
काठमाडौँ । नेपाली बजारमा बिहीबार सुन र चाँदीको मूल्यमा गिरावट आएको छ। नेपाल सुनचाँदी व्यवसायी महासंघका अनुसार अघिल्लो दिनको तुलनामा सुनको मूल्य प्रतितोला २ हजार ९०० रुपैयाँले घटेको हो।
महासंघले जनाए अनुसार आज छापावाल सुन प्रतितोला २ लाख ९२ हजार २०० रुपैयाँमा कारोबार भइरहेको छ। बुधबार सुनको मूल्य प्रतितोला २ लाख ९५ हजार १०० रुपैयाँ कायम थियो। १० ग्राम सुनको मूल्य पनि आज घटेर २ लाख ५० हजार ५१५ रुपैयाँ कायम भएको छ, जुन बुधबार २ लाख ५३ हजार रुपैयाँ थियो।
सुनसँगै चाँदीको मूल्यमा पनि गिरावट देखिएको छ। बिहीबार चाँदी प्रतितोला ५ हजार ८७० रुपैयाँमा कारोबार भइरहेको छ। यो बुधबारको तुलनामा ५० रुपैयाँले कम हो। बुधबार चाँदी प्रतितोला ५ हजार ९२० रुपैयाँमा बिक्री भएको थियो।
त्यस्तै, १० ग्राम चाँदीको मूल्य आज ५ हजार ३३ रुपैयाँ कायम भएको छ। अघिल्लो दिन यसको मूल्य ५ हजार ७६ रुपैयाँ थियो। पछिल्लो समय अन्तर्राष्ट्रिय बजारमा हुने उतारचढावका कारण नेपाली बजारमा पनि सुनचाँदीको मूल्यमा प्रभाव परेको व्यवसायीहरूले बताएका छन्।

























