१० औँ राष्ट्रिय खेलकुद निर्धारित मितिमै हुन्छ : सदस्यसचिव मेहता

Share this
722shares
मुलुकी खबर
मुलुकी खबर
clock२०८२ माघ ११, आइतबार १६:२९
१० औँ राष्ट्रिय खेलकुद निर्धारित मितिमै हुन्छ : सदस्यसचिव मेहता

विराटनगर । राष्ट्रिय खेलकुद परिषद् (राखेप) का सदस्यसचिव रामचरित्र मेहताले १० औँ राष्ट्रिय खेलकुद निर्धारित मितिमै आयोजना हुने बताएका छन् । आइतबार विराटनगरमा जेनजी आन्दोलनबाट खेलकुद संरचनामा पुगेको क्षतिको जानकारी लिने क्रममा सदस्यसचिव मेहताले यस्तो बताएका हुन् ।

सदस्यसचिव मेहताले राष्ट्रिय खेलकुदलाई तोकिएको समयमै सम्पन्न गर्न परिषद्ले तीव्र गतिमा काम गरिरहेको स्पष्ट पारे । यद्यपि, प्रतियोगिता आयोजनाका लागि सरकारबाट पर्याप्त बजेट प्राप्त नभएको र आयोजना स्थल कर्णाली प्रदेश सरकारबाट अपेक्षाकृत सहयोग र समय नपाएको उनले गुनासो गरे ।

नेपाल लोकतान्त्रिक खेलकुद संघ मोरङका अध्यक्ष अनुज बानियाँका अनुसार सदस्यसचिव मेहताले कर्णाली प्रदेशका मुख्यमन्त्रीले १० औँ राष्ट्रिय खेलकुदका लागि पर्याप्त समय दिन नसकेको कुरा व्यक्त गरेका थिए । प्रदेशको सामाजिक विकास मन्त्रालयले खेलकुदका लागि चासो देखाए पनि प्रदेश सरकारको व्यस्तताले परिषद्लाई समन्वयमा कठिनाइ भइरहेको मेहताले बताए ।

विराटनगर भ्रमणका क्रममा सदस्यसचिव मेहतालाई जेनजी आन्दोलनका क्रममा खेलकुद संरचना र प्रदेश खेलकुद विकास बोर्डमा भएको क्षतिबारे जानकारी लिए । आन्दोलनका क्रममा जिल्ला फुटबल संघ मोरङको करिब ४० लाख रुपैयाँ बराबरको भौतिक क्षति भएको जानकारी गराएको बानियाँले बताए ।

सदस्यसचिव मेहताले विराटनगरमा रहेका अन्य खेलकुद संरचना र खेल सामाग्रीको अवस्थाबारे पनि स्थलगत जानकारी लिएका थिए ।

यसैबीच, सदस्यसचिव मेहताले फागुन दोस्रो साता आयोजना हुने विराट गोल्डकपका लागि आवश्यक बजेट उपलब्ध गराउने प्रतिबद्धता समेत जनाएका छन् ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.