
विराटनगर । विराटनगरमा भएको हिसान स्पोर्ट्स मिटमा टेबल टेनिसको उपाधि अरनिको कलेजले जितेको छ । हिसान मोरङले आयोजना गरेको प्रतियोगिताअन्तर्गत टेबल टेनिसको छात्र र छात्रातर्फ अरनिको कलेजले उपाधि जितेको हो ।
टेबल टेनिसको छात्र टिम इभेन्ट्समा अरनिको प्रथम, शिक्षादीप दोस्रो तथा कान्तिपुर कलेज र भानु कलेज तेस्रो भयो । छात्रा टिम इभेन्ट्समा अरनिको कलेज प्रथम, शिक्षादीप दोस्रो तथा कान्तिपुर र मेरिल्यान्ड तेस्रो भयो ।
त्यस्तै, छात्र एकलमा मेरिल्यान्डका डेबिट बोहरा प्रथम, अरनिकोका आधार दाहाल दोस्रो तथा शिक्षादीपका आर्यन श्रेष्ठ र अविचल पोखरेल तेस्रो भए भने छात्रा एकलमा अरनिकोकी ओमकुमारी चौधरी प्रथम, अरनिकोकी साधना चौधरी दोस्रो तथा मेरिल्यान्डकी जिया सेन गुप्ता र प्राप्ति कार्की तेस्रो भए ।

























