
विराटनगर । नेपाली बजारमा फेरि सुनचाँदीको मूल्य बढेको छ । आज (मंगलबार) सुनचाँदीको मूल्यमा वृद्धि भएको हो ।
अघिल्लो दिन अर्थात्, सोमबार सुनको मूल्यमा १३ हजार ४ सय रूपैयाँले गिरावट आएको थियो । तर, मंगलबार सुन तोलाको ३ हजार ७ सय रूपैयाँले बढेको छ ।
भाउ बढेसँगै सुन प्रतितोला २ लाख ९० हजार ३ सय रूपैयाँमा कारोबार भइरहेको छ । सोमबार तोलाको २ लाख ८६ हजार ६ सय रूपैयाँ थियो ।
त्यस्तै, चाँदी तोलाको १ सय ३५ रूपैयाँले बढेको छ । भाउ बढेसँगै चाँदी प्रतितोला ५ हजार ३ सय ३५ रूपैयाँमा कारोबार भइरहेको छ । सोमबार तोलाको ५ हजार २ सय रूपैयाँ थियो ।

























