विराटनगरका विद्यार्थीलाई उद्यमी बन्न सिकाउँदै उद्योग संगठन

Share this
737shares
मुलुकी खबर
मुलुकी खबर
clock२०८२ माघ २४, शनिबार ०९:११
विराटनगरका विद्यार्थीलाई उद्यमी बन्न सिकाउँदै उद्योग संगठन

विराटनगर । युवाहरूलाई स्वदेशमै स्वरोजगार र उद्यमशीलतामा प्रेरित गर्ने उद्देश्यका साथ उद्योग संगठन मोरङले ‘बिजनेस एट स्कुल’ कार्यक्रमको दोस्रो शृङ्खला सम्पन्न गरेको छ । विराटनगरस्थित सत्यनारायण माध्यमिक विद्यालयमा आयोजित उक्त कार्यक्रममा कक्षा ९ देखि १२ सम्मका विद्यार्थीहरूको उत्साहजनक सहभागिता रहेको थियो ।

विद्यार्थीहरूलाई किताबी ज्ञानभन्दा बाहिर व्यवहारिक सीपसँग जोड्न कार्यक्रममा ‘टेस्ट द ट्रेनिङ’ सत्र सञ्चालन गरिएको थियो । मनमोहन पोलिटेक्निकको प्राविधिक सहयोगमा विद्यार्थीहरूलाई इन्टरनेट अफ थिंग्स, अटोमेसन, सिसिटिभी क्यामेरा सेटअप, मोबाइल तथा ल्यापटप मर्मत जस्ता समसामयिक विषयमा आधारभूत जानकारी र तालिम प्रदान गरिएको थियो ।

कार्यक्रमको मुख्य आकर्षणका रूपमा प्लास्टिक पुनः प्रयोग गरी बनाइएका सामग्रीहरूको प्रदर्शनी, करियर काउन्सिलिङ, र विद्यार्थीहरूका लागि भीआर प्रविधिमार्फत ‘भर्चुअल उद्योग भ्रमण’ रहेका थिए । साथै, विद्यार्थीहरूले आफ्ना नवीन ‘बिजनेस आइडिया’ प्रस्तुत गर्नुका साथै सफल उद्यमीहरूको अनुभवबाट प्रत्यक्ष सिक्ने अवसर समेत पाएका थिए ।

कार्यक्रममा बोल्दै उद्योग संगठन मोरङका उपाध्यक्ष सुरेन्द्र गोल्छाले कक्षा कोठाको सिकाइलाई जीवनमुखी बनाउनु पर्नेमा जोड दिए । उनले भने, ‘युवाहरूमा रहेको अन्यौलता चिर्दै स्थानीय तहमै रहेका अवसर र सम्भावना पहिचान गर्न यो कार्यक्रमले मद्दत गरेको छ । विद्यार्थीले आफ्नो रुचि र क्षमता अनुसारको भविष्य रोज्न यसबाट स्पष्ट मार्ग निर्देशन पाउने छन् ।’

त्यस्तै, सत्यनारायण विद्यालयका प्रधानाध्यापक मनोज भट्टराईले यस्ता कार्यक्रमले विद्यार्थीहरूमा आत्मविश्वास बढाउने र स्वदेशमै सफल उद्यमी बन्न सकिन्छ भन्ने विश्वास जगाउने बताए ।

उद्योग संगठन मोरङले यस अभियानलाई आगामी दिनमा अन्य विद्यालयहरूमा पनि विस्तार गर्दै लैजाने लक्ष्य राखेको छ । स्वदेशमै उज्ज्वल भविष्य निर्माण गर्न सकिन्छ भन्ने सन्देश फैलाउनु नै यस कार्यक्रमको मुख्य उद्देश्य रहेको संगठनले जनाएको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.