एसियाली खेलकुदमा मिसन २०२६ को लक्ष्य : बजेट सुनिश्चित गर्ने प्रधानमन्त्रीको प्रतिबद्धता

Share this
658shares
मुलुकी खबर
मुलुकी खबर
clock२०८२ माघ २७, मंगलबार १०:०९
एसियाली खेलकुदमा मिसन २०२६ को लक्ष्य : बजेट सुनिश्चित गर्ने प्रधानमन्त्रीको प्रतिबद्धता

काठमाडौं । जापानमा आयोजना हुने २० औँ एसियाली खेलकुदमा नेपाललाई ऐतिहासिक सफलता दिलाउने लक्ष्यका साथ अघि बढाइएको ‘मिसन २०२६’ लाई सरकारले पूर्ण साथ दिने भएको छ । प्रधानमन्त्री सुशीला कार्कीले राष्ट्रिय खेलकुद परिषद् (राखेप) ले सञ्चालन गरेको यस विशेष अभियानलाई निरन्तरता दिन निर्देशन दिएकी छन् ।

राखेपका सदस्यसचिव रामचरित्र मेहताको नेतृत्वमा गएको टोलीसँगको भेटमा प्रधानमन्त्री कार्कीले खेलकुदको विकास र खेलाडीको तयारीमा बजेटको अभाव हुन नदिने प्रतिबद्धता व्यक्त गरिन् । राम्रो तयारी गरेर देशका लागि पदक जित्ने हाम्रो साझा उद्देश्य हो, प्रधानमन्त्री कार्कीले भनिन्, ‘मिसन २०२६ का लागि आवश्यक थप बजेट व्यवस्थापन गर्न म आफैँ अर्थ मन्त्रालयसँग आवश्यक समन्वय गर्ने छु । राम्रो तयारी गरी उद्देश्य पूरा गर्न फागुन २१ को निर्वाचन लगत्तै विशेष प्रशिक्षण जारी राख्नु ।’

सन् २०२६ मा जापानमा हुने २० औँ एसियाली खेलकुदमा स्वर्ण पदकसहित दोहोरो अंकमा पदक ल्याउने महत्त्वाकाङ्क्षी लक्ष्यका साथ राखेपले यो अभियान सुरु गरेको हो । यसअन्तर्गत विगत २ वर्षदेखि १० विभिन्न खेलका ११ वटा टोलीलाई विशेष प्रशिक्षण दिइँदै आएको छ ।

चालु आर्थिक वर्षमा विनियोजित बजेट सकिन लागेको र माघ महिनासम्म मात्र कार्यक्रम सञ्चालन हुने अवस्था भएपछि राखेप टोलीले बजेट सुनिश्चितताका लागि प्रधानमन्त्रीको ध्यानाकर्षण गराएको थियो ।
भेटका क्रममा प्रधानमन्त्री कार्कीले आगामी फागुन २१ गते हुने निर्वाचन लगत्तै विशेष प्रशिक्षणलाई पुनः तीव्रता दिन निर्देशन दिएकी छन् । निर्वाचनको व्यस्तताका बीच पनि खेलाडीहरूको तयारीमा असर पर्न नहुने र तयारीलाई थप प्रभावकारी बनाउनुपर्नेमा उनले जोड दिइन् ।

सदस्यसचिव मेहताले एसियाली खेलकुदको तयारीको हालसम्मको प्रगति र भावी योजनाबारे प्रधानमन्त्रीलाई विस्तृत जानकारी गराए । भेटमा राष्ट्रिय टिम तयारीका निर्देशक दीपक विष्ट र उपनिर्देशक दीपक श्रेष्ठको समेत सहभागिता रहेको थियो ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.