
काठमाडौं। नेपाली बजारमा आज (मंगलबार) सुनको मूल्य घटेको छ। नेपाल सुनचाँदी व्यवसायी महासंघका अनुसार सोमबार प्रतितोला ३ लाख २ हजार ८ सय रुपैयाँमा कारोबार भएको छापावाल सुनको मूल्य आज तोलामा ९ सय रुपैयाँले ओरालो लागेको छ।
मूल्य घटेसँगै आज छापावाल सुन प्रतितोला ३ लाख १ हजार ९ सय रुपैयाँ कायम भएको छ। त्यस्तै, आज प्रति १० ग्राम छापावाल सुनको मूल्य २ लाख ५८ हजार ८ सय ३० रुपैयाँ तोकिएको छ।
सुनको मूल्य घट्दा चाँदीको मूल्यमा भने सामान्य वृद्धि भएको छ। आज चाँदी तोलामा २५ रुपैयाँले बढेर प्रतितोला ४ हजार ८ सय ८५ रुपैयाँ पुगेको छ। आज १० ग्राम चाँदीको मूल्य ४ हजार १ सय ८८ रुपैयाँ कायम गरिएको छ।

























