प्रत्यक्ष वैदेशिक लगानीमा ‘अटोमेटिक रुट’ को सीमा हट्यो

Share this
738shares
मुलुकी खबर
मुलुकी खबर
clock२०८२ फागुन ८, शुक्रबार १०:४४

काठमाडौं । सरकारले स्वचालित मार्ग (अटोमेटिक रुट) मार्फत स्वीकृत हुने प्रत्यक्ष वैदेशिक लगानी (एफडिआई) को माथिल्लो सीमा हटाएको छ। उद्योग, वाणिज्य तथा आपूर्ति मन्त्रालयले राजपत्रमा सूचना प्रकाशित गर्दै विदेशी लगानीको अधिकतम सीमा हटाएको हो।

माघ ८ गतेको मन्त्रिपरिषद् बैठकले गरेको निर्णय अनुसार अब विदेशी लगानीकर्ताले स्वचालित मार्गबाट जति पनि लगानी भित्र्याउन पाउनेछन्। यसअघि ५० करोड रुपैयाँसम्मको पुँजी भएको लगानी मात्रै यो मार्गबाट स्वीकृत हुने व्यवस्था थियो। यद्यपि, लगानीको न्यूनतम सीमा भने २ करोड रुपैयाँ यथावत् राखिएको छ।

यो नयाँ प्रावधान ऊर्जा, कृषि, पूर्वाधार, पर्यटन, सूचना प्रविधि, सेवा र उत्पादनमूलक गरी कुल १०२ प्रकारका उद्योग व्यवसायमा लागू हुनेछ। जसअन्तर्गत ४ वटा ऊर्जामूलक, १३ वटा कृषि तथा वन पैदावार, ८ वटा पूर्वाधार, ४ वटा पर्यटन, ९ वटा सूचना प्रविधि, २३ वटा सेवामूलक र ४१ वटा उत्पादनमूलक उद्योगमा सीमारहित लगानी भित्र्याउन पाइनेछ।

सूचना प्रविधिमा आधारित उद्योगका लागि भने सरकारले थप सहुलियत दिएको छ। यी उद्योगहरूले वैदेशिक लगानी भित्र्याउँदा २ करोड रुपैयाँको न्यूनतम सीमा पनि पालना गर्नु पर्ने छैन। अर्थात्, ९ प्रकारका सूचना प्रविधि उद्योगले जतिसुकै थोरै वा धेरै रकम पनि स्वचालित मार्गबाट भित्र्याउन सक्नेछन्। यसले नेपालको डिजिटल अर्थतन्त्र र स्टार्टअप क्षेत्रमा वैदेशिक लगानीलाई थप सहज बनाउने अपेक्षा गरिएको छ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.