
काठमाडौं । नेपाली बजारमा आज सुनको मूल्य स्थिर रहेको छ भने चाँदीको मूल्यमा सामान्य गिरावट आएको छ। नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ३ लाख ४ हजार ७ सय रुपैयाँ कायम भएको छ, जुन हिजोकै मूल्य हो।
त्यस्तै, १० ग्राम सुनको मूल्य २ लाख ६१ हजार २ सय ३० रुपैयाँमा कारोबार भइरहेको छ।
चाँदीको मूल्यमा भने अघिल्लो दिनको तुलनामा १० रुपैयाँले गिरावट आएको छ। आज चाँदी प्रतितोला ५ हजार ५० रुपैयाँमा कारोबार भइरहेको महासंघले जनाएको छ। हिजो चाँदी प्रतितोला ५ हजार ६० रुपैयाँमा बिक्री भएको थियो। १० ग्राम चाँदीको मूल्य भने आज ४ हजार ३ सय ३० रुपैयाँ तोकिएको छ।

























