आधारभूत विद्यालयलाई खेल सामग्री सहयोग

Share this
778shares
मुलुकी खबर
मुलुकी खबर
clock२०८२ फागुन ८, शुक्रबार १८:२३
आधारभूत विद्यालयलाई खेल सामग्री सहयोग

विराटनगर । विराटनगरको आदर्श माध्यमिक विद्यालयले ६ वटा आधारभूत विद्यालयलाई खेलकुद सामग्री दिएको छ ।

विराटनगर महानगरपालिकाले आयोजना गरेको फुटबल प्रतियोगितामा प्राप्त पुरस्कार राशिबाट विद्यालयले आफ्नो सेवा क्षेत्रभित्रका ६ सामुदायिक आधारभूत विद्यालयलाई खेलकुद सामग्री हस्तान्तरण गरेको हो ।
गत माघ पहिलो साता सम्पन्न भएको प्रतियोगितामा विजेता भएको आदर्श माविले प्राप्त गरेको १ लाख २५ हजारमध्येबाट खेल सामग्री खरिद गरी आधारभूत विद्यालयलाई दिएको हो ।

विद्यालय प्रधानाध्यापक सन्तोष पोखरेलका अनुसार पुरस्कार रकमलाई प्रत्यक्ष रूपमा खेल पूर्वाधार अभिवृद्धिमा लगानी गर्दै सामुदायिक विद्यालयहरूसँग सहकार्यको सन्देश प्रवाह गर्ने उद्देश्य राखिएको छ ।

हस्तान्तरण कार्यक्रममा प्रमुख अतिथि महानगरपालिकाको शैक्षिक प्रशासन महाशाखा प्रमुख रामप्रसाद ढुंगेलले विजेता विद्यालयले पुरस्कार रकमलाई सामाजिक सरोकारसँग जोडेको कदम उदाहरणीय रहेको बताए ।

विद्यालयका सहायक प्रधानाध्यापक तथा सूचना अधिकारी इन्द्रबहादुर चौहानले प्रतिस्पर्धाबाट प्राप्त उपलब्धिलाई सामुदायिक हितमा रूपान्तरण गर्नु नै संस्थागत उत्तरदायित्व भएको उल्लेख गरे । उनका अनुसार खेल सामग्री वितरणले विद्यालयबीच सहकार्यको वातावरण सुदृढ बनाउने र खेलकुद गतिविधिलाई थप सक्रिय बनाउने अपेक्षा गरिएको छ ।

बाल मन्दिर आधारभूत विद्यालय, सुशिक्षा निकुञ्ज आधारभूत विद्यालय, सहिद आधारभूत विद्यालय, सत्यनारायण आधारभूत विद्यालय, महामाया भगवती आधारभूत विद्यालय र शंकरपुर आधारभूत विद्यालयलाई खेल सामग्री प्रदान गरिएको हो ।

यसै अवसरमा विद्यालयको ९७ औँ वार्षिकोत्सवका सन्दर्भमा आयोजित विज्ञान प्रदर्शनीमा उत्कृष्ट हुने विद्यार्थीहरूलाई नगद पुरस्कारसहित सम्मान गरिएको थियो ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.