
काठमाडौं । नेपाल राष्ट्रिय तथा अन्तर्राष्ट्रिय खेलाडी संघ (एनएनआइपीए) को आयोजनामा २० औँ एनएनआएपीए स्पोर्ट्स अवार्ड २०८२ चैत २० गते हुने भएको छ ।
अवार्ड कार्यक्रम स्थानीय आयोजक बनेपा नगरपालिकाको चण्डेश्वरी मन्दिर परिसरमा हुने एनएनआइपीएका महासचिव शिवसुन्दर गोथेले जानकारी दिए । उनका अनुसार काठमाडौं उपत्यका बाहिर पहिलो पटक अवार्ड कार्यक्रम हुन लागेको हो ।
विभिन्न २७ खेलका त्यत्ति नै संख्यामा खेलाडीलाई सम्मान गरिने छ । त्यसबाहेक समान १–१ पुरुष / महिला सर्वोत्कृष्ट खेलाडी र प्रतिभाशाली खेलाडी, एक पाका खेल व्यक्तित्वलाई गजराज जोशी आदर्श खेल व्यक्तित्व, एक खेल पत्रकारलाई एनएनआइपीए खेल पत्रकारिता पुरस्कार तथा एक वर्ष उत्कृष्ट पारा खेलाडीलाई सम्मान गरिने छ ।

























