भुवनलाई सूर्य नेपाल वेस्टर्न ओपनको उपाधि

Share this
735shares
मुलुकी खबर
मुलुकी खबर
clock२०८२ चैत ६, शुक्रबार १९:२८
भुवनलाई सूर्य नेपाल वेस्टर्न ओपनको उपाधि

पोखरा । सूर्य नेपाल गल्फ टुर २०२५–२६ अन्तर्गत पाँचौँ प्रतियोगिता तथा २६ औँ संस्करणको सूर्य नेपाल वेस्टर्न ओपनको उपाधि भुवन नगरकोटीले जितेका छन् । शुक्रबार भएको खेलमा इभन–पार ६९ खेलेका भुवनले समग्रमा ३–अन्डर २ सय ४ को स्कोरमा सञ्जय लामालाई एक स्ट्रोकले हराउँदै उपाधिमा ह्याट्रिक गर्न सफल रहे ।
उनको यो करियर १४ औँ उपाधि हो । उपाधिसँगै उनले नगद १ लाख ७० हजार प्राप्त गरे।

यसअघि यो सिजनमा उनले सूर्य नेपाल एनपीजीए टुर च्याम्पियनसिप र सूर्य नेपाल काठमाडौं ओपनको उपाधि जितेका थिए । आज ४–अन्डर ६५ खेल्दै समग्रमा २–अन्डर २ सय ५ को स्कोरमा सञ्जय दोस्रो भए । उनले नगद १ लाख २५ हजार हात पारे । एमेच्योर राहुल विश्वकर्माले ४–अन्डर ६५ को स्कोर कार्ड बनाए । समग्रमा १–अन्डर २ सय ६ सहित तेस्रो भए । धरानका गल्फर शुक्रबहादुर राईले ४–ओभर ७३ मा अन्तिम दिनको खेल सकाउँदा समग्रमा २–ओभर २ सय ९ सहित चौथो भए ।

प्रोतर्फ तेस्रो भएका उनले नगद १ लाख आफ्नो नाममा लेखाए । जयराम श्रेष्ठले आज ६–ओभर ७५ मा अन्तिम दिनको खेल सकाउँदा समग्रमा ७–ओभर २ सय १४ सहित पाँचौँ स्थानमा चित्त बुझाए । उनले ८२ हजार प्राप्त गरे । पोखराका घरेलु गल्फर भुबहादुर गुरुङ छैटौँ भए । उनले समग्रमा ८–ओभर २ सय १५ स्कोर बनाए । आजको खेल ३–ओभर ७२ मा पूरा गरे । उनले नगद ७२ हजार पाए । समग्रमा १०–ओभर २ सय १७ सहित भुवनकुमार रोक्का र दिनेश प्रजापतिले संयुक्त रूपमा सातौँ स्थान बाँडे । भुवनले ३–ओभर ७२ र दिनेशले २–अन्डर ६७ को स्कोर निकाले । उनीहरूले समान ६५ हजार प्राप्त गरे ।

यस्तै, समग्रमा १२–ओभर २ सय १९ बनाएका तोरणविक्रम शाही नवौँ हुँदै ५१ हजारको हकदार बने । आज उनले २–ओभर ७१ मा खेल सकाए । १३–ओभर २ सय २० स्कोर बनाएका रमेश अधिकारी र सुरेश तामाङ संयुक्त रूपमा दसौँ भए । आज रमेशले ७–ओभर ७६ र सुरेशले ६–ओभर ७५ मा खेल सकाए । उनीहरूले ४४ हजार नगद पुरस्कार हात पारे ।

भुवनसँग अन्तिम १८ होलको खेल सकिँदा मात्र १ स्ट्रोकको अग्रता थियो । तर शुक्र र जयरामले सुरुवातदेखि नै खेल बिगार्दा भुवनलाई सजिलो भयो । छैटौँ होलमा बोगी खेपेका उनले आठौँ होलमा बर्डी प्रहार गर्दै फ्रन्ट नाइन इभन–पार ३४ मा सकाए । यसपछि बाँकी नौ होलमा शुक्र र जयरामले टक्कर दिन नसके पनि सञ्जय लामाले चुनौती दिएका थिए ।

तर, भुवनले ब्याक नाइन पनि इभन–पार ३५ मा सकाउँदै एक स्ट्रोकको जित निकाल्न सफल भएका हुन् । भुवनले १० औँ र १३ औँ होलमा बर्डी तथा १२ औँ र १७ औँ होलमा एक–एक सट खेर फाले ।

सञ्जयले फ्रन्ट नाइन १–अन्डर ३३ मा सकाउने क्रममा पहिलो, सातौँ र आठौँ होलमा बर्डी प्रहार गरे । दोस्रो र छैटौँ होलमा एक–एक सट खेर फाले । ब्याक नाइनमा उनले पाँच वटा होलमा बर्डी प्रहार गरे । १० औँ होलमा र यसपछि १४ देखि १७ होलसम्म लगातार चार बर्डी प्रहार गरे । तर १२ औँ र १८ औँ होलको बोगीले ब्याक नाइन ३–अन्डर ३२ मा पूरा गरे ।

एमेच्योर राहुलले सातौँ होलको बोगीका विरुद्ध पहिलो र पाँचौँ होलमा एक–एक सट बचाए । फ्रन्ट नाइन १–अन्डर ३३ खेले । यसपछि ४–पारको १३ औँ होलमा इगलको सफलता प्राप्त गरेका उनले १६ औँ र १७ औँ होलमा बर्डी प्रहार गर्दा १८ औँ होलमा बोगी खेपे। उनले एमेच्योरतर्फको उपाधि जिते । किशन परियारलाई २२ स्ट्रोकले हराए । किशन दोस्रो भए । उनले समग्रमा २१–ओभर २ सय २८ को नतिजामा प्रतियोगिता पूरा गरे ।

विजयी खेलाडीहरूलाई सूर्य नेपालका डेपुटी जनरल म्यानेजर केशव प्रधान र नेपाल गल्फ संघका अध्यक्ष टासी घलेले पुरस्कार वितरण गरे । नेपाल प्रोफेसनल गल्फर्स एसोसिएसनद्वारा आयोजित प्रतियोगितामा २६ प्रोफेसनल तथा १६ एमेच्योर खेलाडीको सहभागिता रहेको थियो ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.