२०८३ वैशाख ११, शुक्रबार ११:०७
काठमाडौं । नेपाली कांग्रेसका सभापति गगनकुमार थापाले लोकतन्त्रलाई जनजीवनमा प्रत्यक्ष अनुभूत हुने व्यवस्था बनाउनुपर्ने बताएका छन् ।
लोकतन्त्र दिवसको अवसरमा शुक्रबार जारी शुभकामना सन्देशमार्फत उनले लोकतान्त्रिक आन्दोलनका सहिदहरूप्रति श्रद्धाञ्जली व्यक्त गर्दै प्राप्त उपलब्धिहरूलाई व्यवहारमा उतार्नुपर्नेमा जोड दिए । उनका अनुसार लोकतन्त्र ऐतिहासिक उपलब्धिमा सीमित नभई जनताको दैनिक जीवनमा अनुभूति हुनुपर्छ ।
उनले अपेक्षा र उपलब्धिबीच अझै दूरी कायम रहेको स्वीकार गर्दै यसको समाधान लोकतन्त्रको विकल्प नभई अझ सुदृढ, उत्तरदायी र जनमुखी शासन प्रणाली भएको स्पष्ट पारे । थापाले संविधानको मर्मअनुसार सुशासन र विकासमार्फत जनताको विश्वास जित्नु आजको प्रमुख आवश्यकता भएको उल्लेख गरे ।
उनले लोकतन्त्रलाई व्यवहारिक र परिणाममुखी बनाउँदै नागरिकको जीवनस्तर सुधारमा केन्द्रित हुन सबैलाई आह्वान गरेका छन् ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
