जलवायु मुद्दा : तथ्य र प्रमाणमा जोड

Share this
682shares
मुलुकी खबर
मुलुकी खबर
clock२०८३ असोज १, बिहीबार १२:५४

काठमाडौं । परराष्ट्रमन्त्री शिशिर खनालले जलवायु परिवर्तनबाट नेपालले भोगिरहेको असरलाई अन्तर्राष्ट्रिय मञ्चमा तथ्य, प्रमाण र वैज्ञानिक आधारसहित प्रस्तुत गर्नुपर्ने बताएका छन् ।

प्रतिनिधिसभाको अन्तर्राष्ट्रिय सम्बन्ध तथा पर्यटन समिति बैठकमा बिहीबार बोल्दै मन्त्री खनालले अन्तर्राष्ट्रिय मञ्चमा भावनात्मक अभिव्यक्तिले मात्रै अपेक्षित परिणाम हासिल गर्न नसकिने बताए । नेपालका जलवायु मुद्दालाई प्रभावकारी रूपमा स्थापित गर्न विश्वसनीय तथ्यांक र प्रमाण आवश्यक रहेको उनको भनाइ थियो ।

उनले आगामी हप्ता प्रधानमन्त्रीको नेतृत्वमा नेपाली प्रतिनिधिमण्डल संयुक्त राष्ट्रसंघको महासभामा सहभागी हुने जानकारी दिँदै हिमालय क्षेत्रसँग सम्बन्धित देशभित्र र बाहिर भएका अध्ययन तथा अनुसन्धानलाई एकीकृत गरी राष्ट्रिय धारणा स्पष्ट बनाउनुपर्ने बताए । विपद्को जोखिम न्यूनीकरणका लागि सीमापार सहकार्य र पूर्वतयारीमा समेत जोड दिनुपर्ने उनले बताए ।

प्राकृतिक विपद्ले पछिल्लो २५–३० वर्षमा निर्माण गरिएको नेपालको विकास तथा समृद्धिको मोडलमा गम्भीर असर पारेको उल्लेख गर्दै मन्त्री खनालले विकास रणनीतिमै पुनर्विचार आवश्यक रहेको बताए । अन्तर्राष्ट्रिय मञ्चमा भाषण गरेर मात्रै दीर्घकालीन उपलब्धि हासिल नहुने भन्दै उनले संस्थागत क्षमता बलियो बनाउनुपर्नेमा जोड दिए ।

जलवायु कूटनीति हाल वातावरण मन्त्रालयको दायरामा बढी सीमित रहेको भन्दै उनले परराष्ट्र मन्त्रालयलाई समेत प्रभावकारी रूपमा सहभागी गराएर एकीकृत सरकारी संयन्त्र निर्माण गर्नुपर्ने बताए । बैठकमा परराष्ट्र सचिव अमृतबहादुर राईले प्रधानमन्त्रीले असोज ८ गते संयुक्त राष्ट्रसंघको महासभालाई सम्बोधन गर्ने तथा महासचिव एन्टोनियो गुटेरेससँग भेटवार्ता गर्ने कार्यक्रम रहेको जानकारी दिए ।

रसुवाको भोटेकोशी नदीमा आएको विनाशकारी बाढीबाट भएको जनधनको क्षतिलाई समेत अन्तर्राष्ट्रिय मञ्चमा उठाइने उनले बताए । विश्वव्यापी हरितगृह ग्यास उत्सर्जनमा नेपालको योगदान नगण्य भए पनि जलवायु परिवर्तनको असंगत असर नेपालले भोगिरहेको तथ्य प्रस्तुत गरिने उनको भनाइ थियो । राईका अनुसार नेपालले लस एन्ड ड्यामेज कोषबाट तत्काल र उचित क्षतिपूर्ति तथा जलवायु न्यायका लागि अन्तर्राष्ट्रिय समुदायसँग आग्रह गर्नेछ ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.