
विराटनगर । कोशी प्रदेशका केही ठाउँमा आज (बुधबार) बिहानैदेखि भारी वर्षा भइरहेको छ ।
जल तथा मौसम विज्ञान विभागका अनुसार पछिल्लो ३ घण्टामा सुनसरीको तरहरा र आसपासका क्षेत्रमा भारी वर्षा भएको छ । तरहरामा ६६.८ मिलिमिटर र मोरङको केराबारी क्षेत्रमा ५२.८ मिलिमिटर वर्षा भएको विभागले जनाएको छ ।
विभागले भारी वर्षाका कारण विभिन्न खोलामा आकस्मिक बाढीको सम्भावना रहेको भन्दै सतर्कता अपनाउन आग्रह गरेको छ । सर्दु ,सुनसरी खोला ,बूढी खोला, खेशलिया खोलालगायत अन्य स–साना खोलामा आकस्मिक बाढी आउने सम्भावना रहेको विभागले जनाएको छ ।
अत्यधिक वर्षाका कारण होचो भू–भागमा डुबानको जोखिम रहेकोले दिउँसोसम्म सतर्कता अपनाउन विभागको आग्रह छ ।

























