उदयपुरमा राज्यमन्त्री सवार गाडी लुटपाटको प्रयास, ६ जना पक्राउ

Share this
745shares
मुलुकी खबर
मुलुकी खबर
clock२०८१ असोज १६, बुधबार २०:३१

विराटनगर । उदयपुरमा कोशी प्रदेशको राज्यमन्त्री सृजना राई सवार गाडी रोकेर लुटपाटको प्रयास भएको छ । उदयपुृरको बेलका नगरपालिका– ८ मंगलबार राति करिब १० बजे लुटपाटको प्रयास भएको हो ।

बाढी प्रभावित क्षेत्रको अनुगमनपछि विराटनगर फर्कनेक्रममा राति करिब १० बजे बेलकाको सिरवानी भन्ने स्थानमा ६ जनाको समूहले लुटपाटको प्रयास गरेको प्रहरीले बताएको छ ।

लुटपाटको प्रयासमा संलग्न भएको अरोपमा प्रहरीले आकाश राई, विशाल राई, थानवीर राई, लोहनसिंह राई, सुदीप राई र सुरेश राईलाई पक्राउ गरेको छ । पक्राउ परेका सबै स्थानीय हुन् । प्रहरीले पक्राउ परेकाहरुको साथबाट मंगलबार राति प्रयोग भएको एउटा टर्चलाइट र हँसिया पनि बरामद गरेको छ ।

बाटो ढुकेर बसेको समूहले मध्यरातमा राज्यमन्त्री चढेको प्रदेश १–०४–००१ झ ००३२ नम्बरको गाडी रोकेर लुटपाट गर्न खोजका थिए । तर चालकले गाडी नरोकेपछि सो समूहले गाडीमा ढुंगा प्रहार गरेको कोशी प्रदेश प्रहरी प्रमुख डिआइजी चन्द्रकुबेर खापुङले बताए ।

उनका अनुसार राति लुटपाटकै उदेश्यले राज्यमन्त्रीको गाडीमाथि आक्रमण भएको देखिन्छ । ‘लुटपाटकै उदेश्यले आक्रमण भएको देखिन्छ, उनले भने,‘ ६ जना पक्राउ परेका छन्, थप अनुसन्धान हुँदैछ ।’

प्रहरी स्रोतका अनुसार पक्राउ परेकाहरुले गाँजा बोकेको गाडी भन्दै रोक्ने प्रयास गरेका थिए, पछि राज्यमन्त्रीको गाडी भन्ने थाहा पाएपछि उनी त्यहाँबाट भागेका थिए । रातको समयमा पहिले पनि सो समूहले बाटो ढुकेर गाडी लुटपाट गर्ने गरेको देखिएको प्रहरी स्रोतले बताएको छ ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.