
काठमाडौं । सहकारी ठगी आरोपमा पक्राउ परेका राष्ट्रिय स्वतन्त्र पार्टीका सभापति तथा पूर्वगृहमन्त्री रवि लामिछानेलाई प्रहरीले आज कास्की जिल्ला अदालतमा उपस्थित गराउँदैछ ।
शुक्रबार पक्राउ पुर्जी जारी भएपछि प्रहरीले लामिछानेलाई पक्राउ गरी रातारात पोखरा लगेको थियो । आज अदालत खुलेपछि उपस्थित गराउन लागिएको हो ।
रविलाई आज अदालतमा उपस्थित गराइने भएपछि विरोध तथा समर्थनमा दुबै पक्षले दबावका लागि उपस्थित हुन आह्वान गरेका छन् ।
रास्वपाका सबैजसो शीर्ष नेताहरु पोखरामै आएर शनिबारदेखि नै प्रदर्शन तथा दबाब कार्यक्रमको नेतृत्व गरिरहेका छन् । सहकारी पीडितले पनि आज भेला हुन आह्वान गरेका छन् ।

























