कुकुर तिहार : अपराध अनुसन्धानमा अब्बल ‘टाइगर’

Share this
667shares
मुलुकी खबर
मुलुकी खबर
clock२०८१ कात्तिक १५, बिहीबार १२:०९

विराटनगर । सिन्धुपाल्चोकको बाह्रबिसे नगरपालिका–७ खनियाबासकी ७२ वर्षीया रत्नकुमारी थापा गत साउन १८ गते घरमै मृत फेला परिन् ।

बीभत्स अवस्थामा शव भेटिएको घटनाको अनुसन्धानका लागि नेपाल प्रहरीको तालिम प्राप्त कुकुर ‘टाइगर’लाई सिन्धुपाल्चोक पठाइयो । कोदोबारीमा भेटिएको ‘फुट प्रिन्ट’को छापलाई पछ्याएर ‘टाइगर’ साढे ३ किलोमिटरसम्म गयो । कुकुरले दिएको त्यो संकेतका आधारमा काठमाडौंको गोंगबुबाट आरोपी पक्राउ परे ।

नुवाकोटको शिवपुरी गाउँपालिका–९ मा ७५ वर्षीया नेत्रकुमारी क्षेत्री मृत भेटिएको घटनामा पनि ‘टाइगर’ले नै आरोपी पत्ता लगायो । घटना २०८० कार्तिक ९ गतेको हो । घटनास्थलबाट १ किलोमिटरको ‘ट्रयाक’मा कुकुर पुग्यो । जसको आधारमा प्रहरी आरोपीलाई समात्न सफल भयो ।

हत्याका दुईवटा घटना अनुसन्धानमा सहयोग गरेको ‘टाइगर’ यसवर्षको सर्वोत्कृष्ट कुकुर घोषित भएको छ । कुकुर तिहारको अवसरमा ‘टाइगर’लाई बिहीबार मेडल प्रदान गरिएको हो । अनुसन्धान गर्ने कुकुर उत्पादन र व्यवस्थापन महाराजगन्जस्थित प्रहरी केनाइन कार्यालयले गर्छ ।

अनुसन्धानमा सहयोगी कुकुर ७ वटै प्रदेशमा राखिएको छ । कुकुरको तालिम र व्यवस्थापनका लागि छुट्टै कार्यालय छन् । देशभर प्रहरीले १ सयवटा तालिमप्राप्त कुकुर राखेको छ ।

अनुसन्धान गर्न ६ प्रजातिका कुकुर प्रहरीसँग छन् । ल्याबराडोर, जर्मन सेफर्ड, बेल्जियन सेफर्ड, गोल्डेन रिट्रिभर, कोकर स्पानियल र बिगल प्रजातिका कुकुरले अनुसन्धान गर्छन् । हत्यारा पत्ता लगाउन ‘ट्रयाकर डग’ प्रयोग गरिन्छ ।

विपद् व्यवस्थापन, उद्धार, लागुऔषध र हत्याको घटनामा पनि अनुसन्धान अधिकृतहरूले कुकुरलाई प्रयोग गर्छन् । महाराजगन्जस्थित प्रहरी केनाइन कार्यालयमा ३६ वटा कुकुर छन् । त्रिभुवन अन्तर्राष्ट्रिय विमानस्थल सुरक्षा कार्यालयमा ११ वटा कुकुर छन् ।

विमानस्थलमा रहेका कुकुर लागुऔषध र विस्फोटक पदार्थ पत्ता लगाउनसक्ने क्षमता राख्छन् । गत कार्तिक १२ मा एयर इन्डिया एआई–२१६ मा र कार्तिक ६ मा भिस्तारा एयरको विमान बमको सूचना आएपछि प्रहरीले कुकुरलाई प्रयोग गरेर अनुसन्धान गरेको थियो । अपराध अनुसन्धानमा प्रहरीले कुकुर प्रयोग गर्न थालेको २०३२ सालदेखि हो ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.