चर्चित पर्वतारोही हिमालको खोँचमा भेटिए, उद्धारमा समस्या

Share this
779shares
मुलुकी खबर
मुलुकी खबर
clock२०८१ कात्तिक १९, सोमबार १४:५५

रसुवा । ५ दिनदेखि बेपत्ता भएका चर्चित पर्वतारोही भेटिएका छन् । तर, हिमालको खोँचमा भेटिएका उनको उद्धार सम्भव भइरहेको छैन ।

लाङटाङ हिमाल आरोहणका लागि गएका स्लोभाकियन नागरिक ३४ वर्षीय ओनरेज हुसर्के ५ दिनदेखि हराइरहेका थिए । प्रहरीका अनुसार रसुवाको गोसाईंकुण्ड गाउँपालिका–३ स्थित हिमालको खोँचमा उनी भेटिएका हुन् ।

समुन्द्र सतहदेखि ७ हजार मिटरभन्दा धेरैको उचाइमा रहेको हिमालको ३० मिटरभन्दा बढी गहिरो खोँचमा फेला पारिएको रसुवा प्रहरी प्रमुख डीएसपी केशव भट्टराईले बताए । हवाई उद्धारका लागि गएको टोलीले लगाएको लुगा, स्लिपिङ ब्यागलगायतका आधारमा पर्वतारोहीको पहिचान गरेको हो ।

तर, उद्धारमा भने समस्या भइरहेको डीएसपी भट्टराईले बताए । खोँचमा फसेका कारण विशेषज्ञ टोली गएर मात्रै उद्धार गर्ने सम्भवना नरहेको उनको भनाइ छ ।

खराब मौसमका कारण त्यसतर्फ हेलिकप्टरसमेत जान सकेको छैन । लाङटाङ हिमालमा हराएका हुसर्के स्लोभाकियाका चर्चित पर्वतारोही हुन् ।

हराइरहेका अर्का पर्वतारोही चेक रिपब्लिकका ५० वर्षीय मारेक होलेसेक्का भने सम्पर्कमा आएका छन् । उनलाई स्वास्थ्य परीक्षणका लागि पठाइएको छ । जर्मन नागरिक ४३ वर्षीया रोवर्ड जर्ज न्यू वरलाको उद्धार भएको छ ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.