
काठमाडौं । आज (बिहीबार) मुलुकका तीन प्रदेशमा हल्का वर्षा हुनसक्ने पूर्वानुमान गरिएको छ ।
कोशी, गण्डकी र सुदूरपश्चिम प्रदेशका पहाडी भूभागका केही स्थानमा वर्षा हुनसक्ने सम्भावना रहेको थियो । यी प्रदेशका एक–दुई स्थानमा मेघ गर्जन र चट्याङसहित हल्का वर्षाको सम्भावना रहेको मौसम पूर्वानुमान महाशाखाले जनाएको छ ।
महाशाखाका अनुसार देशको पहाडी भूभागमा आंशिक बदली रही बाँकी भूभागमा आंशिक बदलीदेखि मौसम मुख्यतया सफा रहने छ। राति देशका पहाडी भूभागमा आंशिक बदली रही बाँकी भूभागमा आंशिक बदलीदेखि मौसम मुख्यतया सफा रहने महाशाखाको पूर्वानुमान छ ।

























