
काठमाडौं । विभिन्न प्रदेशमा बुधबार आंशिकदेखि साधारणतया बदली रही बाँकी भू–भागमा मौसम मुख्यतया सफा रहने पूर्वानुमान गरिएको छ ।
कोशी, बागमती र गण्डकी प्रदेशका पहाडी भू–भागमा मौसम यस्तो रहने अनुमान मौसम पूर्वानुमान महाशाखाले गरेको हो । कोशी, बागमती र गण्डकी प्रदेशका पहाडी भू–भागका एक–दुई स्थानमा हल्का वर्ष हुनसक्ने महाशाखाले जनाएको छ ।
साथै उच्च पहाडी तथा हिमाली भू–भागका एक–दुई स्थानमा हल्का हिमपात हुनसक्ने पूर्वानुमान छ । महाशाखाका अनुासर कोशी, बागमती र गण्डकी प्रदेशका पहाडी भू–भागमा राति आंशिक बदली रही बाँकी भू–भागमा मौसम मुख्यतया सफा रहने छ।
कोशी र गण्डकी प्रदेशका पहाडी भू–भागका एक–दुई स्थानमा हल्का वर्षा हुनसक्ने सम्भना छ । तराईका केही स्थानमा हल्का हुस्सु लागेको छ ।

























