
चितवन । वयानका लागि चितवनमा ल्याइएका राष्ट्रिय स्वतन्त्र पार्टी (रास्वपा) सभापति तथा पूर्व गृहमन्त्री रवि लामिछानेलाई प्रहरीले बुधबार राति नै पोखरा लगेको छ ।
सहकारीको रकम अपचलन आरोपमा पक्राउ परेका लामिछानेलाई चितवनमा बयानपछि राति नै पोखरा लगेको हो ।
बुधबार रविका समर्थकले चितवनमा प्रदर्शन गरेका थिए । आज पनि उनका समर्थकले प्रदर्शन गर्न सक्ने भएपछि प्रहरीले राती नै सडकमार्ग हुँदै पोखरा लगेको हो ।
बुधबार राति ८ बजे जिल्ला सरकारी वकिलको कार्यालय चितवनमा रवि लामिछानेको बयान सकिएको थियो ।
लामिछानेलाई जिल्ला अदालत पर्साले पनि पक्राउ पूर्जी जारी गरेको छ । पोखरामा म्याद थप पछि उनलाई पर्सा लैजाने तयारी छ ।

























