विराटनगरमा गीत गजलका सञ्चालक मृत फेला

Share this
729shares
मुलुकी खबर
मुलुकी खबर
clock२०८१ मंसिर २२, शनिबार ११:०३

विराटनगर । विराटनगरमा गीत गजलका सञ्चालक शनिबार बिहान मृत फेला परेका छन् ।

विराटनगर महानगरपालिका–१२ का ३८ वर्षीय भीम राई मृत फेला परेको मोरङ प्रहरीका प्रवक्ता डीएसपी वेदप्रकाश जोशीले जानकारी दिए । राई विराटनगर–१० सोमबारेमा रहेको ‘रेड स्टार’ गीत गजलका सञ्चालक रहेको उनले बताए ।

जोशीका अनुसार शुक्रबार राति गीत गजलमै सुतेका राई शनिबार बिहान ८ः३० बजेतिर अचेत अवस्थामा भेटिएका थिए । बेहोस अवस्थामा फेला पारेर गीत गजलकै कर्मचारीले उपचारका लागि विराटनगरको कोशी अस्पताल पुर्याएको प्रहरीको प्रारम्भिक अनुसन्धानबाट खुलेको छ ।

अस्पताल पुर्याउनसाथ बिहान ९ बजेतिर चिकित्सकले मृत घोषित गरेको प्रहरीले जनाएको छ । शवलाई पोस्टमार्टमका लागि कोशी अस्पतालमै राखिएको छ ।

घटनाको अनुसन्धान गर्नका लागि र थप कुरा बुझ्नलाई वडा प्रहरी कार्यालय विराटनगरबाट इन्स्पेक्टर राजेश दत्त नेतृत्वको टोली परिचालन गरिएको थियो । प्रारम्भिक अनुसन्धानबाट घटना शंकास्पद नदेखिएको प्रहरीले जनाएको छ ।

प्रहरीका अनुसार राईलाई उच्च रक्तचाप र मधुमेहको पुरानै समस्या रहेको पत्ता लागेको छ । घटनाको थप अनुसन्धान सुरु गरिएको डीएसपी जोशीले बताए ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.