
विराटनगर । विराटनगरमा रहेकाे सेन्ट जोसेफ स्कुलको होस्टलबाट दुई विद्यार्थी हराएका छन् । बुधबार रातिबाट कक्षा १० मा अध्ययनरत १६ वर्षीय सुरज खड्का र रनवीर सिंह हराएका हुन् ।
हराएका विद्यार्थीको अवस्था अझै अज्ञात छ ।
जिल्ला प्रहरी कार्यालय मोरङका प्रहरी प्रवक्ता डीएसपी वेदप्रकाश जोशीका अनुसार बुधबार राति होस्टलबाट हाम्फालेर विद्यार्थी भागेका हुन् ।
उनीहरु गाडी चढेर पश्चिमतर्फ गएको देखिएको उनले बताए । हराइरहेका सिंहको घर जनकपुरमा छ । तर उनीहरु घरमा पुगेका छैनन । ‘स्कुलमा गल्ती गरेपछि भागेका रहेछन्, सिसी टिभी फुटेज हेर्दा बरगाछीबाट राति नै गाडी चढेर गएको देखिन्छ,’ उनले भने,‘ हामी खोजी गर्दैछौं ।’

























