
काठमाडौं । नेकपा एमालेबाट निकालिएका पूर्वउपप्रधानमन्त्री भीम रावलले वैकल्पिक राजनीतिक शक्ति निर्माणकाे घोषणा गरेका छन् ।
काठमाडौंमा आज पत्रकार सम्मेलन गर्दै रावलले यस्तो घोषणा गरेका हुन् ।
नेकपा एमालेले घोषित सिद्धान्त, गन्तव्य र आदर्शविहीन बनेकाले वैकल्पिक पार्टी निर्माण गर्नु परेको उनको भनाई छ ।
‘आफ्नै घोषित सिद्धान्त, नीति र लक्ष्यका साथै नेपालको संविधानको मार्ग निर्देशनलाई समेत अवमूल्यन गरी केपी ओली गुटले नेकपा एमालेलाई दिशाहीन बनाउनुका साथै राष्ट्रिय राजनीति नै सिद्धान्तहीन, गन्तव्यहीन र आदर्शहहीन बाटोमा धकेलिएको छ’, रावलले भने ।‘
रावलले एमालेको विकल्पमा पार्टी निर्माणको राष्ट्रिय अभियान चलाउने बताए ।

























