संकटग्रस्त सहकारी व्यवस्थापन समितिको अध्यक्षमा थापा

Share this
666shares
मुलुकी खबर
मुलुकी खबर
clock२०८१ पुस १८, बिहीबार १४:५२

विराटनगर । कोशी प्रदेश सरकारले संकटग्रस्त सहकारी व्यवस्थापनका लागि वरिष्ठ अधिवक्ता भरतबहादुर थापाको अध्यक्षतामा समिति गठन गरेको छ ।

बिहीबार बसेको प्रदेश मन्त्रिपरिषद्को बैठकले थापाको अध्यक्षतामा संकटग्रस्त सहकारीको व्यवस्थापन समिति गठन गरेको हो ।

समितिको सदस्यमा धनप्रसाद शिवाकोटी र जीवन काफ्ले सदस्य नियुक्त भएकाे मुख्यमन्त्री हिक्मतकुमार कार्कीकाे सचिवालयले जानकारी दिएकाे छ ।

समितिको सदस्य सचिव सरकारले तोक्ने छ । सदस्यमा सहकारी संघले एक जना प्रतिनिधि पठाउँनेछ । सरकारले समिति गठन गर्ने निर्णय गरेपनि समिति सदस्यको नाम सार्वजनिक गरेको छैन ।

प्रदेश सरकारका प्रवक्ता एवं आन्तरिक मामिला तथा कानुन मन्त्री रेवतिरमण भण्डारीका अनुसार बैठकले समितिको काम कर्तव्य र अधिकार पनि टुंगो लगाएको छ ।

गत कात्तिक ४ गते प्रदेश सरकारले ‘केही प्रदेश ऐनलाई संशोधन गर्न बनेको अध्यादेश २०८१’ मार्फत प्रदेश सहकारी ऐन २०७६ संशोधन गरेको थियो ।

संशोधनमा ‘कुनै सहकारी संस्था वा संघलाई समस्याग्रस्त घोषणा गरेपछि त्यस्तो संस्थाको सम्पति व्यवस्थापन तथा दायित्व भुक्तानीका लागि छुट्टै समिति बनाउने’ उल्लेख थियो ।

तपाइको प्रतिक्रिया
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
© 2024 Muluki Khabar. All Rights Reserved. Design & Develop By: Indesign Media Pvt. Ltd.