
काठमाडौं । सहसचिव बढुवाका लागि १८ जना उपसचिवको नाम सिफारिस भएको छ । नेपाल प्रशासन सेवाका उपसचिवलाई सहसचिव पदमा बढुवा गर्न सफारिस गरिएको हो ।
बढुवा समितिको शुक्रबार बसेको बैठकले कार्यक्षमता मूल्यांकनका आधारमा उपसचिवलाई बढुवा गर्न सिफारिस गरेको हो । उपसचिवबाट सहसचिव बढुवाको सिफरिसमा पर्ने पहिलो नम्बरमा प्रेमप्रसाद लुइँटेल छन् ।
त्यस्तै, उपसचिवहरु रामदत्त पाण्डेय, लक्ष्मण ढकाल, विनिता भट्टराई, दिलकुमार तामाङ, लक्ष्मी पाण्डेय, मनिता श्रेष्ठ, लोकबहादुर सुनार र जगदीश्वर उपाध्याय बढुवाको सिफरिसमा परेका छन् ।
बढुवा सिफरिसमा पर्ने अन्यमा नारद गौतम, निर्मल ढकाल, वीरेन्द्रकुमार मिश्र, राजेन्द्रकुमार हमाल, इन्द्रप्रसाद बस्याल, शिवप्रसाद चौधरी, दिव्यराज पोखरेल, पूर्णमान श्रेष्ठ र कृष्णबहादुर शाही रहेका छन् ।

























