अख्तियारको निष्कर्ष : जनताले सहज सेवा पाएनन्

Share this
663shares
मुलुकी खबर
मुलुकी खबर
clock२०८१ माघ २८, सोमबार १४:१०

काठमाडौं । अख्तियार दुरुपयोग अनुसन्धान आयोग सरकारी र सार्वजनिक निकायबाट जनताले प्रभावकारी, सहज एवं सरल हिसाबले सेवा पाउन नसकिरहेको निष्कर्षमा पुगेको छ ।

यातायात, मालपोत, नापी, राहदानी, वैदेशिक रोजगार, अध्यागमनलगायतका संघीय कार्यालयहरुको सेवा प्रवाह अपेक्षाअनुरुप प्रभावकारी हुन नसकेको ठहर अख्तियारको छ । सेवा प्रवाहलाई प्रभावकारी बनाउनुपर्ने कार्यालयले पनि त्यसका लागि तत्परता नदेखाएको अख्तियारले जनाएको छ ।

विभिन्न कार्यालयमा घुसको लेनदेनसमेत हुने गरेको छ । कर्मचारीहरु भ्रष्टाचारमा मुछिएका छन् । राज्यका निकाय अनियमिततामा चुर्लुम्म डुबेकै कारण जनताले सहज सेवा पाउन नसकिरहेको बुझ्न कठिन छैन ।

सूचना प्रविधिको उपयोगको विस्तार गरी सार्वजनिक सेवा प्रवाहलाई अनुमानयोग्य, सरल, सुलभ र व्यवस्थित बनाउने नेपाल सरकारको प्रयास प्रभावकारी नभएको ठहर पनि अख्तियारको छ । आयोगका प्रमुख आयुक्त प्रेमकुमार राईले नागरिकलाई सहज र सरल सेवा दिने सम्बन्धमा थप सुधारका उपायहरु अवलम्बन गर्न आवश्यक रहेको बताएका छन् ।

अख्तियार दुरुपयोग अनुसन्धान आयोगको ३४ औं स्थापना दिवसको अवसरमा आयोजित कार्यक्रममा बोल्दै राईले सरकारी र सार्वजनिक निकायको सेवा प्रवाहमा प्रश्न उठाएका हुन् । सेवा प्रवाहलाई अपेक्षाअनुरुप प्रभावकारी बनाउन सबै पक्ष लाग्नुपर्नेमा उनको जोड छ ।

राईले प्रदेश सरकार र स्थानीय सरकारबाट प्रदान गर्ने सेवा झन जटिल र खर्चिलो हुन गइ जनताले सहज एवं सरल सेवा प्राप्त गर्न नसकिरहेको उल्लेख गरे । ‘प्रदेश सरकार र स्थानीय सरकारबाट प्रदान गर्ने सेवा झन जटिल एवं खर्चिलो हुन गइ जनताले सहज र सरल सेवा प्राप्त गर्न नसकिरहेको अवस्था छ,’ अख्तियार प्रमुख राई भन्छन्,, ‘अतः नागरिकलाई सहज र सरल सेवा दिने सम्बन्धमा थप सुधारका उपायहरु अवलम्बन गर्न आवश्यक छ ।’

राष्ट्रपति रामचन्द्र पौडेलले समेत भ्रष्टाचार सम्बन्धी उजुरी र मुद्दाहरु लामो समयदेखि किनारा नलागेको भन्दै सम्बन्धित निकायको ध्यानाकर्षण गराएका छन् । अख्तियारको ३४ औं वार्षिकोत्सव समारोहलाई सम्बोधन गर्दै उनले भ्रष्टाचार सम्बन्धी उजुरी र मुद्दा छिटो टुंगोमा पुर्याउनुपर्ने बताए ।

ठूला खरिद प्रक्रियामा भएको भ्रष्टाचारप्रति उनले चिन्ता व्यक्त गरेका छन् । भ्रष्टाचार मुक्त समाज निर्माणले मात्रै मुलुकको विकास सम्भव हुने राष्ट्रपति पौडेलको धारणा छ ।

कार्यक्रममा राष्ट्रपति पौडेलले उत्कृष्ट अनुसन्धानकर्ताको रूपमा उपसचिव विष्णुराज बेल्बासे र प्रहरी नायब उपरीक्षक कमलकुमार खड्कालाई सम्मानित गरेका थिए । नापी अधिकृत रुविना शाही उत्कृष्ट अख्तियार सेवा पुरस्कारबाट पुरस्कृत भएकी छन् । राष्ट्रपति पौडेलले विभिन्न पत्रकार एवं लेखकहरुलाई पनि कदरपत्रसहित सम्मान गरेका छन् ।

अख्तियार ३४ वर्षमा प्रवेश, बारम्बार किन भइरहन्छ आलोचना ?

तपाइको प्रतिक्रिया
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.