
विराटनगर । सुनसरीको धरानबाट प्रहरीले ६ जनालाई पक्राउ गरेको छ । पक्राउ परेका सबै ३० वर्षमुनिका छन् ।
धरान उपमहानगरपालिका–११ बाट प्रतिबन्धित लागुऔषधसहित उनीहरुलाई पक्राउ गरिएको कोशी प्रदेश प्रहरी कार्यालय विराटनगरले जनाएको छ । कार्यालयका अनुसार धरान–१९ का १८ वर्षीय अनिष मगर, धरान–१७ का २२ वर्षीय राजकुमार राई, २८ वर्षीय अनिल मगर, धरान–११ का १८ वर्षीय आशिष तामाङ, धरान–८ का २३ वर्षीय अनिल लिम्बू र १८ वर्षीय अनिल मगर पक्राउ परेका हुन् ।
वडा प्रहरी कार्यालय धरानबाट खटिएको टोलीले लागुऔषध ट्रमाडोल ७ सय ९५ र कोलिवान ७ सय ८५ पिस बरामद गरेको छ । लागुऔषध बरामद गरेर उनीहरुलाई पक्राउ गरिएको हो । पक्राउ परेकामाथि लागुऔषध ऐनअन्तर्गतको मुद्दा चलाउन प्रहरीले थप अनुसन्धान सुरु गरेको छ ।

























