
विराटनगर । नेपाली बजारमा बुधबार ( आज ) सुनको मूल्यमा गिरावट आएको छ । पछिल्लो २ दिनदेखि बजारमा सुनको मूल्य घट्दै आएको हो ।
मंगलबार प्रतितोला १ हजार ७ सय रुपैयाँ घटेको सुनको भाउ आज प्रतितोला १ हजार ५ सय रुपैयाँ घटेको नेपाल सुनचाँदी व्यवसायी महासंघले जनाएको छ ।
महासंघका अनुसार आज बजारमा छापावाल सुन प्रतितोला १ लाख ९२ हजार रुपैयाँमा कारोबार भइरहेको छ ।
मंगलबार छापावाल सुन प्रतितोला १ लाख ९३ हजार ५ रुपैयाँमा कारोबार भएको थियो ।
यस्तै, बुधबार चाँदीको मूल्य पनि घटेको छ । मंगलबार चाँदी प्रतितोला २ हजार १ सय ६० रुपैयाँमा कारोबार भएको चाँदी बुधबार प्रतितोला २ हजार १ सय ४० रुपैयाँमा कारोबार भइरहेको छ ।
यो मूल्य अघिल्लो दिनको तुलनामा प्रतितोला प्रतितोला २० रुपैयाँ घटेको हो

























