२०८२ श्रावण २५, आइतबार ०८:५७
काठमाडौं । भुटानको थिम्पुमा जारी एएफसी यू–२० महिला एसियन कप छनोटको आफ्नो तेस्रो तथा अन्तिम खेलमा नेपालले आज उत्तर कोरियासँग खेल्दैछ ।
खेल थिम्पुस्थित चाङलिमिथाङ स्टेडियममा दिउँसो पौने २ बजे सुरु हुनेछ । उत्तर कोरिया यू–२० विश्वकप तथा एसियन कप दुवै जितिसकेको टोली हो ।
नेपालले आफ्नो पहिलो खेलमा भुटानसँग १–१ गोलको बराबरी खेल्दै अंक बाँडेको थियो । दोस्रो खेलमा साउदी अरेबियालाई १–० गोलअन्तरले हराएको थियो ।
उत्तर कोरियाले साउदी अरेबियालाई १५–० तथा भुटानलाई १०–० को फराकिलो अन्तरले हराएको थियो ।
नेपालले पछिल्लोपटक सन् २००४ मा यही उमेर समूहमा उत्तर कोरियासँग एसियन कपमै खेलेको थियो । सो खेल १९–० गोलअन्तरले कोरियाले जितेको थियो । प्रतियोगिताको हरेक समूहबाट समूहविजेता एसियन कपमा छनोट हुनेछन् भने ३ उत्कृष्ट उपविजेता पनि छनोट हुने प्रावधान छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी