फुटबलर लियोनेल मेसीलाई पितृ शोक 

काठमाडौं । विश्व प्रख्यात अर्जेन्टिनाका फुटबलर लियोनेल मेसीका बुबा होर्हे मेसीको ६८ वर्षको उमेरमा निधन भएको छ ।

लियोनेल मेसीलाई फुटबलको शिखरमा पुर्‍याउन मुख्य भूमिका खेलेका होर्हेले मेसीको खेल जीवन र व्यक्तिगत यात्राको सुरुवाती दिनदेखि नै अत्यन्त महत्त्वपूर्ण अभिभावकको भूमिका निर्वाह गर्दै आएका थिए । मेसीको व्यावसायिक करियरका हरेक मोड, उतारचढाव र सफलतामा उनी सधैँ छायाजस्तै साथमा रहेका थिए ।

होर्हेले मेसीको एजेन्टका रूपमा समेत काम गर्दै आएका थिए । मेसी सानो छँदा हर्मोनको समस्या हुँदा उपचारका लागि अर्जेन्टिनाबाट स्पेन (बार्सिलोना) लैजानेदेखि उनलाई विश्वकै सर्वोत्कृष्ट खेलाडी बनाउनेसम्मको यात्रामा होर्हेको योगदान अतुलनीय रहेको छ ।

मेसीको सफलताको आधार स्तम्भ मानिने होर्हेको निधनले मेसीको परिवार र फुटबल जगतमा ठुलो क्षति पुगेको छ । उनको निधनप्रति विश्वभरका फुटबल प्रेमी र शुभचिन्तकहरूले दुःख व्यक्त गर्दै मेसीप्रति समवेदना प्रकट गरिरहेका छन् ।