
विराटनगर । नेपाली बजारमा सुनको मूल्य २ लाखनजिक पुगेको छ । नेपाल सुनचाँदी व्यवसायी महासंघका अनुसार आज (बुधबार) तोलामा ३ सय रूपैयाँ मूल्य बढेको छ ।
भाउ बढेसँगै सुन तोलाको १ लाख ९९ हजार रूपैयाँमा कारोबार भइरहेको छ । अब १ हजार रूपैयाँ मूल्य बढ्यो भने भाउ प्रतितोला २ लाख रूपैयाँ पुग्छ । मंगलबार तोलाको १ लाख ९८ हजार ७ सय रूपैयाँ थियो ।
त्यस्तै, चाँदीको मूल्य भने घटेको छ । तोलाको १५ रूपैयाँ मूल्य घटेको हो । महासंघका अनुसार भाउ घटेसँगै चाँदी प्रतितोला २ हजार ३ सय ४५ रूपैयाँमा कारोबार भइरहेको छ । मंगलबार २ हजार ३ सय ६० रूपैयाँ थियो ।

























