
विराटनगर, १२ भदौ । नेपाली युवा उद्यमी मञ्च (एनवाईईएफ) विराटनगर च्याप्टरले नेपालका लागि इजरायलका राजदूत श्मुलिक एरिसँग भेट गरेको छ ।
विराटनगर च्याप्टरका अध्यक्ष सञ्जीव सिग्देल, पूर्व अध्यक्ष सृजन प्याकुरेल लगायतका पदाधिकारीको टोलीले राजदूत एरिसँग बिहीबार विराटनगरमा भेटघाट गरेका हुन् ।
राजदूतसँगको भेटमा मञ्चको टोलीले इजरायलका युवा उद्यमीसँगको सहकार्य, नेपालमा उद्यमशीलताको विकासमा प्रविधिको भूमिका तथा यसको उपयोगबारे राजदूतसँग जिज्ञासा राखेका थिए ।
सो अवसरमा राजदूत एरिले मञ्चको टोलीलाई धन्यवाद दिँदै नेपाल –इजरायल सम्बन्धलाई अझ प्रगाढ बनाउन सकारात्मक पहल गर्ने बताएको विराटनगर च्याप्टरका लर्निंग चेयर सागरराज ढुंगानाले जानकारी दिए ।
राजदूतसँगको भेटले दुवै पक्षबीच आगामी दिनमा उद्यमशीलता, प्रविधि र नवप्रवर्तन (इनोभेसन) का क्षेत्रमा सहकार्य गर्ने सम्भावना बढ्ने मञ्चको विश्वास रहेको ढुंगानाले बताए ।

























