एसियन थाई फुड्सले ल्यायो ‘डेभिल्स हट चिकेन नुडल्स’ 

Share this
685shares
मुलुकी खबर
मुलुकी खबर
clock२०८२ भदौ १६, सोमबार १८:५८
एसियन थाई फुड्सले ल्यायो ‘डेभिल्स हट चिकेन नुडल्स’ 

विराटनगर । लामो समयदेखि उच्च गुणस्तरका नुडल्सका उत्पादन मार्फत उपभोक्ताको मन जित्दै आएको एसियन थाई फुड्सले नयाँ स्वादसहितको नुडल्स बजारमा उतारेको छ ।

कम्पनीले ‘डेभिल्स हट चिकेन नुडल्स’ सार्वजनिक गर्दै मसालेदार स्वादको नयाँ अनुभव दिने दाबी गरेको छ । २५ वर्षदेखि खाद्य उद्योगमा स्थापित यो कम्पनीले नेपालका साथै तेस्रो मुलुकमा समेत आफ्ना उत्पादन निर्यात गर्दै आएको छ ।

विगत ५ वर्षदेखि निरन्तर नुडल्स निर्यातमा अग्रस्थानमा रहेको यो कम्पनीले आइतबार यो मसालेदार र स्वादिलो नुडल्स सार्वजनिक गरेको हो । एसियन थाई फुड्सले ३० भन्दा बढी देशमा आफ्ना उत्पादनहरू निर्यात गर्दै आएको छ ।

कम्पनीका निर्देशक आशिष जाजुका अनुसार नयाँ नुडल्स मसालेदार स्वाद मन पराउने उपभोक्तालाई ध्यानमा राखेर तयार गरिएको हो । उनले भने, ‘यो केवल तत्कालीन नुडल्स होइन, स्वादको रोमाञ्चक यात्रा हो । गुणस्तरीय नुडल्स र सन्तुलित मसालाले यसलाई अविस्मरणीय बनाउँछ ।’

‘नेपालकै सबैभन्दा मिठो स्वाद, यो डेभिलीसिअस छ’ भन्ने ट्याग लाइनसहित ल्याइएको यो उत्पादन देशभरका प्रमुख खुद्रा पसल र अनलाइन प्लेटफर्ममार्फत उपलब्ध हुने बताइएको छ । प्रत्येक प्याकेटमा चकलेट वेफरसमेत राखिएको छ, जसले मसालेदार स्वादपछि मिठासको अनुभव थप्ने कम्पनीको विश्वास छ ।

कम्पनीका व्यवस्थापकीय निर्देशक महेश जाजुका अनुसार हालै निजी लिमिटेडबाट पब्लिक लिमिटेडमा रूपान्तरण भइसकेको कम्पनीले आइपिओ ल्याउने तयारी गरिरहेको जानकारी दिए ।

उनले भने, ‘हामी नेपाली स्वादलाई विश्व बजारसम्म पुर्‍याउन प्रतिबद्ध छौँ । डेभिल्स हट चिकेन नुडल्स हाम्रो साहसी र सन्तुलित स्वादको पहिचान हो ।’

प्रतिप्याकेट ५० रुपैयाँमा उपलब्ध यो नुडल्सको ५ प्याकेटको फ्यामेली प्याक २५० रुपैयाँमा पाइने छ ।
एसियन थाई फुड्सले दशकौँदेखि गुणस्तर र प्रामाणिक एसियाली खानाको उत्पादन गर्दै उपभोक्तालाई नयाँ नयाँ स्वादमा नवप्रवर्तन गर्दै आएको छ ।

कम्पनीले नयाँ उत्पादनमार्फत नेपाली बजारमा नुडल्सको अनुभवलाई अझ विविध र रोमाञ्चक बनाउने अपेक्षा राखेको छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.