
काठमाडौं । भारतको गुवाहटीमा सम्पन्न अभ्यास खेलको सिरिज नेपालले जितेको छ । नेपाल र आसामबीचको सोमबारको निर्णायक खेलमा ४४ रनको जितसँगै नेपालले सिरिज आफ्नो हातमा पारेको हो ।
नेपाल ‘ए’ ले दिएको २०९ रनको लक्ष्य पछाएको आसामले निर्धारित २० ओभरमा ९ विकेट गुमाउँदै १६४ रनमा सीमित भयो ।
आसामका लागि कप्तान सुमित घडिअन्करले २५ रन बनाए । नेपालका लागि आकाश चन्द, शेर मल्ल र पवनले समान २–२ विकेट लिँदा बसिर अहमदले १ विकेट लिए ।
त्यसअघि टस जितेर ब्याटिङ रोजेको नेपाल ‘ए’ले निर्धारित २० ओभरमा ५ विकेट गुमाएर २०८ रन बनायो।
नेपालका सन्दीप जोराले सर्वाधिक ६४ रन बनाएका थिए । योसँगै नेपालले ३–२ ले सिरिज हात पारेको छ ।
यसअघि खेलेको ४ अभ्यास खेलमा नेपाल र आसामले समान २–२ खेल जितेका थिए

























