धरान उपमहानगरमा १ अर्ब ९८ करोडको बजेट आउँदै

Share this
683shares
मुलुकी खबर
मुलुकी खबर
clock२०८२ भदौ २१, शनिबार १२:१३

सुनसरी । दलगत विवाद र मेयर–उपमेयरबीचको खटपटका कारण लामो समयसम्म बजेटविहीन बनेको सुनसरीको धरान उपमहानगरपालिकामा अन्ततः आर्थिक वर्ष २०८२–८३ को बजेट ल्याउने सहमति जुटेको छ ।

सहमति अनुसार अब धरानमा १ अर्ब ९८ करोड रुपैयाँको बजेट प्रस्तुत हुने भएको छ । असार १० भित्रै बजेट ल्याउनुपर्ने कानुनी व्यवस्था भए पनि नगर प्रमुख हर्कराज राई (हर्क साम्पाङ) र उपप्रमुख अइन्द्रविक्रम बेघाबीचको विवाद, कार्यपालिका सदस्यहरूको विभाजन, घाटा बजेट प्रस्ताव र छुट्टै ‘मेयर–उपमेयर भिजन कोष’ राख्ने प्रयासले नगरलाई लामो समयसम्म बजेटविहीन बनाएको थियो ।

यस क्रममा कांग्रेस, माओवादी र राप्रपाका प्रतिनिधिहरू एकातिर र एमालेका प्रतिनिधिहरू अर्कातिर उभिएपछि बजेट रोकिएको हो । एमाले कार्यपालिका सदस्यहरूको मुख्य आपत्ति मेयर–उपमेयरलाई छुट्टै कोष विनियोजन गर्ने र घाटा बजेट ल्याउने तयारीमा थियो ।

सहमति जुटेपछि आइतबार कार्यपालिका बैठकले बजेट पास गर्ने र भदौ २६ गते नगरसभामा प्रस्तुत गर्ने तयारी रहेको प्रमुख प्रशासकीय अधिकृत अम्बिका चौलागाईंले बताए । उपप्रमुख बेघाले पनि अब विवाद सकिएको दाबी गर्दै भने, ‘जनप्रतिनिधिबीच सहमति भएपछि नगरवासीले लामो समयदेखिको समस्या समाधान हुने अपेक्षा गर्न सक्छन् ।’

तर, बजेट ढिलाइले धरानको सेवा र विकास योजनामा गम्भीर असर पारेको छ । सडक मर्मत, खानेपानी, सरसफाइ, फोहोर व्यवस्थापनजस्ता आधारभूत सेवा ठप्प छन् । विद्यालय र स्वास्थ्य क्षेत्रमा चलिरहेका साना–ठूला परियोजना रोकिए भने निर्माणाधीन सडक र ढल प्रणाली अल्झिएका छन् ।

लामो समयसम्म योजनागत काम अघि नबढ्दा नगरपालिकाको विश्वसनीयता नै कमजोर भएको गुनासो स्थानीयले गरेका छन् । राजनीतिक विश्लेषक डा. राजेन्द्र शर्माले दलगत खिचातानीलाई धरानको प्रमुख समस्या भएको बताए ।

उनले भने, ‘जनप्रतिनिधिहरूको राजनीतिक स्वार्थ र पदको अहंकारले विकास योजनाहरू थन्किएका छन् । यो धरानको मात्रै समस्या होइन । यसले देशभरका स्थानीय तहमा नकारात्मक सन्देश गएको छ ।’ शर्माका अनुसार बजेटमा सहमति जुट्नु सकारात्मक भए पनि यसको कार्यान्वयन पारदर्शी र प्रभावकारी ढंगले नगरे फेरि विवाद चर्किने खतरा रहन्छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.