
विराटनगर । नेपाली बजारमा सुनचाँदीको मूल्य फेरि बढेको छ । सुनको मूल्यले आज (आइतबार) ऐतिहासिक रेकर्ड कायम गरेको छ ।
सुन र चाँदी अहिलेसम्मकै महँगो भएको नेपाल सुनचाँदी व्यवसायी महासंघले जनाएको छ । महासंघका अनुसार सुन तोलको १ हजार ६ सय रूपैयाँले बढेको छ ।
भाउ बढेसँगै सुन आइतबार प्रतितोला २ लाख १२ हजार रूपैयाँमा किनबेच भइरहेको छ । सुन शुक्रबार तोलाको २ लाख १० हजार ४ सय रूपैयाँ थियो ।
त्यस्तै, चाँदीको मूल्य पनि बढेको छ । प्रतितोला १० रूपैयाँ बढेको हो । भाउ बढेसँगै चाँदी प्रतितोला २ हजार ५ सय रूपैयाँमा कारोबार भइरहेको छ । शुक्रबार २ हजार ४ सय ९० रूपैयाँ थियो ।

























