धरानमा ‘बजेट होलिडे’को अन्त्य : २ अर्ब २० करोडको बजेट पारित, बोलाइयो नगरसभा

Share this
675shares
मुलुकी खबर
मुलुकी खबर
clock२०८२ असोज ३, शुक्रबार १७:०४

विराटनगर । लामो विवादपछि अन्ततः सुनसरीको धरान उपमहानगरपालिकाले चालुक आर्थिक वर्ष २०८२–०८३ को बजेट पारित गरेको छ ।

स्रोत अनुमान तथा बजेट सीमा निर्धारण समितिबाट पेस भएको २ अर्ब २० करोड ७४ लाख ५९ हजार रुपैयाँको बजेट कार्यपालिका बैठकले पारित गरेको प्रमुख प्रशासकीय अधिकृत अम्बिकाप्रसाद चौलागाईंले बताए । उनका अनुसार पारित भएको बजेटबाट पुँजीगत खर्च १० प्रतिशतले घटाएर कार्यक्रम पेस गर्ने सहमतिपछि मात्रै बजेटको विवाद टुंगिएको हो ।

यसअघि सोही बराबरको बजेट सिलिङ ल्याइएको थियो । नेकपा (एमाले)का सदस्यहरूको असहमति हुँदाहुँदै पनि मेयर हर्क साम्पाङ (हर्कराज राईं)ले अल्पमतबाटै बजेट पास गरिएको दाबी गरेका थिए ।

‘नगरलाई बजेटविहीन अवस्थामा राख्न सकिँदैन’ भन्ने साम्पाङको अडानका आधारमा बजेटको विवाद टुंग्याइएको हो । कार्यपालिकाले बजेट पास गरेसँगै शनिबार नगरसभा बोलाइएको छ । नगरसभामा बजेट पेस गरिने छ ।

नगरसभाले अनुमोदन गरेपछि मात्रै औपचारिक रूपमा बजेट लागू हुनेछ । स्थानीय तहले असार १० गतेभित्र बजेट ल्याइसक्नुपर्ने कानुनी व्यवस्था छ । तर, विवादका कारण धरानमा समयभित्र बजेट आउन सकेन ।

यसअघि भदौ २६ गते नगरसभा गर्ने तयारी भए पनि भदौ २३ र २४ मा भएको जेनजी आन्दोलनका कारण त्यो सम्भव हुन सकेन । नगरसभा ढिलाइ भएपछि धरान ‘बजेट होलिडे’मा पुगेको थियो । अब भने ‘बजेट होलिडे’को अवस्था अन्त्य भएको छ ।

समयमा बजेट नआउँदा उपमहानगरका कर्मचारीले साउन र भदौ महिनाको तलब पाएका छैनन् । त्यस्तै, उपमहानगरको प्रशासनिक कामदेखि विकास योजनासम्म रोकिएका थिए । बजेट पारित भएपछि रोकिएको तलब भुक्तानी, विकास योजनाको निरन्तरता र आर्थिक गतिविधि फेरि सुचारु हुने अपेक्षा गरिएको छ ।

विवाद र ढिलाइका कारण सुरुमा निराश बनेका कर्मचारी र स्थानीय अहिले भने बजेट लागू हुने आशामा छन् । नगरसभाले बजेट अनुमोदन गरेलगत्तै धरानमा आर्थिक संकट टर्ने र योजना सञ्चालनमा आउने प्रमुख प्रशासकीय अधिकृत चौलागाईंले बताए ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.