
विराटनगर । नेपाली बजारमा आज (बुधबार) सुनचाँदीको मूल्यले ऐतिहासिक रेकर्ड कायम गरेको छ । सुन र चाँदीकै भाउ बढ्दा मूल्यले रेकर्ड ‘ब्रेक’ गरेको हो ।
नेपाल सुनचाँदी व्यवसायी महासंघका अनुसार सुनको मूल्य प्रतितोला १ हजार ३ सय रूपैयाँले बढेको छ । भाउ बढेसँगै सुन तोलाको २ लाख २३ हजार रूपैयाँमा कारोबार भइरहेको छ । मंगलबार प्रतितोला २ लाख २१ हजार ७ सय रूपैयाँमा किनबेच भएको थियो ।
त्यस्तै, चाँदीको मूल्य प्रतितोला ५० रूपैयाँले बढेको छ । भाउ बढेसँगै चाँदी तोलाको २ हजार ७ सय रूपैयामा कारोबार भइरहेको छ । मंगलबार प्रतितोला २ हजार ६ सय ५० रूपैयाँमा किनबेच भएको थियो ।

























