विराटनगरबाट स्रोत नखुलेको साढे ८ लाख बरामद, १ जना पक्राउ

Share this
695shares
मुलुकी खबर
मुलुकी खबर
clock२०८२ कात्तिक १, शनिबार १८:२०

विराटनगर । विराटनगरबाट स्रोत नखुलेको करिब साढे ८ लाख नेपाली रूपैयाँ शनिबार दिउँसो बरामद भएको छ । ठूलो मात्रामा अवैध रकमसहित १ जनालाई प्रहरीले पक्राउ गरेको छ ।

इलाका प्रहरी कार्यालय रानीबाट खटिएको टोलीले विराटनगर महानगरपालिका–१२ सैनिक टोलबाट दिउँसो १ बजेतिर ८ लाख ४७ हजार रूपैयाँ बरामद गरेको हो । मोरङ प्रहरी प्रमुख एसपी कवित कटवालका अनुसार सीमा क्षेत्रबाट विराटनगरतर्फ आउँदै गरेको बीआर ३८ भी ३३२८ नम्बरको मोटरसाइकललाई प्रहरीले शंका लागेर रोकेको थियो ।

भारतीय नम्बर प्लेटको मोटरसाइकल रोकेर चेकजाँच गर्ने क्रममा चालक मोरङको जहदा गाउँपालिका–७ का ४६ वर्षीय नवीन साहले लगाएको हेल्मेटभित्र लुकाइछिपाइ ल्याउँदै गरेको अवस्थामा रकम बरामद भएको जानकारी कटवालले दिए । उनका अनुसार साहले लगाएको हेल्मेटबाट १ हजार दरका ८ सय, ५ सय दरका ५१, १ सय दरका १ सय ४६ र ५० रूपैयाँ दरका १ सय २ थान नेपाली नोट बरामद भएको छ ।

प्रहरीले साहको साथबाट बरामद भएको ८ लाख ४७ हजार रूपैयाँको स्रोत नखुलेको जनाएको छ । स्रोत नखुलेको रकमसहित मोटरसाइकल चालक साहलाई नियन्त्रणमा लिइएको जानकारी एसपी कटवालले दिए ।

पक्राउ परेका साह, बरामद भएको रकम र नियन्त्रणमा लिइएको मोटरसाइकललाई इलाका प्रहरी कार्यालय रानीमा राखिएको छ । यस विषयमा रानीका इन्स्पेक्टर कवीन राई नेतृत्वको टोलीले थप अनुसन्धान गरिहेको छ । बरामद भएको रकम अवैध हुण्डी कारोबारको भएको हुनसक्ने प्रहरीको प्रारम्भिक अनुमान छ ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.