हिमाली क्षेत्र घुम्न जाँदै हुनुहुन्छ ? मौसमबारे जानकारी लिन नबिर्सनुहोस्

Share this
748shares
मुलुकी खबर
मुलुकी खबर
clock२०८२ कात्तिक १०, सोमबार ०६:००

काठमाडौँ । राष्ट्रिय विपद् जोखिम न्यूनीकरण तथा व्यवस्थापन प्राधिकरणले हिमाली तथा उच्च पहाडी क्षेत्रको यात्रामा निस्कनुअघि सतर्कता अपनाउन आग्रह गरेको छ । आइतबार राति सूचना जारी गर्दै प्राधिकरणले सो क्षेत्रको यात्रामा निस्कनुअघि जल तथा मौसम विज्ञान विभागबाट जारी हुने मौसम पूर्वानुमानबारे जानकारी लिन आग्रह गरेको हो ।

सूचनामा प्राधिकरणबाट प्रकाशन गरिने पूर्व सूचना एवं अलर्टबारे जानकारी लिन, लेक लाग्ने जोखिमबारे जानकारी प्राप्त गर्न र आवश्यक पूर्व तयारी गरेर मात्र यात्रामा निस्किन सबैलाई आग्रह गरेको छ । लेक लागिहालेमा यात्रा रोकी तलतिर झरेर उपचार प्रक्रियामा लाग्न एवं एक्लै यात्रामा ननिस्कन समेत प्राधिकरणले सर्वसाधारणलाई आग्रह गरेको छ ।

सूचनामा भनिएको छ, ‘लेक लागेर मृत्यु वा घाइते हुने दर बढ्दै गएको स्थितिमा हिमाली तथा उच्च पहाडी क्षेत्रको यात्रामा निस्कनुअघि जल तथा मौसम विज्ञान विभागबाट जारी हुने मौसम पूर्वानुमान एवं सोको आधारमा यस प्राधिकरणबाट प्रकाशन गरिने पूर्व सूचना एवं अलर्टबारे जानकारी लिन, लेक लाग्ने जोखिमबारे जानकारी प्राप्त गर्न, आवश्यक पूर्व तयारी गर्न एवं लेक लागिहालेमा यात्रा रोकी तलतिर झरेर उपचार प्रक्रियामा लाग्न एवं एक्लै यात्रामा ननिस्कन प्राधिकरण हार्दिक अपिल गर्दछ।’

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.