विराटनगरमा बहु दीर्घकालीन रोग सम्बन्धी कार्यशाला 

Share this
753shares
मुलुकी खबर
मुलुकी खबर
clock२०८२ कात्तिक १८, मंगलबार १३:५३
विराटनगरमा बहु दीर्घकालीन रोग सम्बन्धी कार्यशाला 

विराटनगर । विराटनगरमा ‘बहु दीर्घकालीन रोग सम्बन्धी टाइप–२ इम्प्लिमेन्टेसन ट्रायल अध्ययन’ को कार्यशाला सम्पन्न भएको छ ।

सेन्टर फर रिसर्च, पोलिसी एन्ड इम्प्लिमेन्टेसनको आयोजना तथा कोशी प्रदेश स्वास्थ्य मन्त्रालयको सहकार्यमा ‘बहु दीर्घकालीन रोग सम्बन्धी टाइप–२ इम्प्लिमेन्टेसन ट्रायल अध्ययन’ कार्यशाला सम्पन्न भएको हो ।

कार्यक्रमका प्रमुख अतिथि कोशी प्रदेशका स्वास्थ्य सचिव यदुचन्द्र घिमिरेले यस्तो खालका कार्यक्रमबाट नयाँ कुरा आउने भएकाले बताए । उनले कार्यशालाको सफलताको शुभकामना दिँदै यसले प्रदेशमा बहु रोग व्यवस्थापनका नयाँ दृष्टिकोण ल्याउने विश्वास व्यक्त गरे ।

स्वास्थ्य मन्त्रालयमा पूर्वसचिव डा. रोशन पोखरेलले यस अध्ययनले नीति निर्माणदेखि व्यवहारिक स्वास्थ्य सेवा सुधारसम्मको क्षेत्रमा प्रमाण आधारित मार्ग निर्देशन प्रदान गर्ने छ ।

उनले नेपाल जस्तो विकासोन्मुख देशमा बहु रोग व्यवस्थापनका चुनौतीहरू उच्च रहेको हुँदा यस्तो अनुसन्धानले हामीलाई समग्र स्वास्थ्य प्रणाली सुधार गर्न वैज्ञानिक आधार तयार पारिदिने प्रस्ट्याए ।

उक्त अध्ययन कार्यक्रम मोरङ र सुनसरीमा सञ्चालन हुने भएको छ । नेशनल हेल्थ एण्ड मेडिकल रिसर्च काउन्सिल र ग्लोबल एलाइन्स फर कोर्निक डिजिजको सहयोगमा अस्ट्रेलियन नेशनल युनिभर्सिटीको अगुवाइमा हुने अध्ययन हुनेछ । विराटनगर घर भई हाल अस्ट्रेलियन नेशनल युनिभर्सिटीमा कार्यरत प्रोफेसर डा. उदयनारायण यादवले अध्ययनको नेतृत्व गर्ने छन् ।

कार्यक्रममा अध्ययनको पृष्ठभूमि, उद्देश्य, अनुसन्धान विधि तथा अपेक्षित परिणामबारे डा. यादव र  प्रोफेसर डा. हरिबोन्धु शर्माले सहजीकरण गरेका थिए ।

कार्यक्रममा धरानको बीपी कोइराला स्वास्थ्य विज्ञान प्रतिष्ठानका प्राध्यापक, स्वास्थ्य विज्ञ, तीन तहका स्वास्थ्य विज्ञ, नीति निर्माता, चिकित्सक तथा अनुसन्धानकर्ताको उपस्थिति थियो ।

उनीहरूले बहु दीर्घकालीन रोगहरू मधुमेह, उच्च रक्तचाप, मुटु, फोक्सो र मिर्गौला रोगजस्ता समस्या नेपालमा बढ्दै गएको र यस्तो अध्ययनले रोगको सामूहिक व्यवस्थापनमा वैज्ञानिक आधार तयार पार्ने विश्वास व्यक्त गरे ।

कार्यक्रममा सहभागी विज्ञहरूले अध्ययनबाट प्राप्त हुने निष्कर्ष र सिफारिसलाई तीन तहका स्वास्थ्य नीति र कार्यान्वयन योजनामा समायोजन गर्न आग्रह गरे । संस्थाका अध्यक्ष बीएन चौधरीले अनुसन्धानका माध्यमबाट स्वस्थ समाज निर्माणमा संस्थाले योगदान दिने प्रतिबद्धता जनाए ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.