उद्योगमा ऊर्जा दक्षता बढाउन विराटनगरमा बैंक र निजी क्षेत्रबीच छलफल

Share this
672shares
मुलुकी खबर
मुलुकी खबर
clock२०८२ कात्तिक २०, बिहीबार १७:५१

विराटनगर । औद्योगिक प्रतिष्ठानहरूमा ऊर्जा दक्षता अभिवृद्धिका लागि आवश्यक पर्ने ठूलो संरचनागत परिवर्तनमा वित्तीय स्रोत कसरी व्यवस्थापन गर्ने भन्ने विषयमा विराटनगरमा महत्त्वपूर्ण छलफल भएको छ ।

उद्योग संगठन मोरङको समन्वय तथा नेपाल बैंकरर्स एशोसिएशन र जीआईजेड नेपालको संयुक्त आयोजनामा बिहीबार आयोजित कार्यक्रममा वित्तीय संस्थाहरूले उद्योगहरूलाई कसरी सहयोग गर्न सक्छन् भन्नेमा केन्द्रित रहेर छलफल गरिएको हो ।

उद्योग संगठन मोरङका अध्यक्ष नन्दकिशोर राठीले ऊर्जा दक्षतालाई केवल ऊर्जा बचत र वातावरणीय दायित्वका रूपमा मात्र नभई उद्योग व्यवसायको दीर्घकालीन स्थायित्वसँग प्रत्यक्ष जोडेर हेर्नुपर्ने बताए ।

कार्यक्रममा वित्तीय विशेषज्ञ अनल भट्टराई ले ऊर्जा दक्षता परियोजनामा लगानी गर्न स्पष्ट नीति, जोखिम मूल्यांकन प्रणाली र प्राविधिक मार्गदर्शन आवश्यक हुने औंल्याए ।

उनले बैंकहरू यस क्षेत्रमा वित्त प्रवाह बढाउन इच्छुक रहेको जानकारी दिँदै ऊर्जा दक्षताका लागि वित्तीय लगानीका लागि उद्योग प्रतिष्ठानहरूले सर्वप्रथम ऊर्जा अडिट गरी आवश्यकता पहिचान गर्नुपर्नेमा जोड दिए ।

जीआईजेड/रिपका प्रोग्राम म्यानेजर डा. सञ्जय गोर्खाली ले नेपालमा ऊर्जा दक्षता सुधारका लागि जीआईजेडले निजी क्षेत्र र बैंकहरूबीचको सहकार्यलाई सुदृढ पार्न नीतिगत र प्राविधिक सहयोग गर्दै आएको जानकारी दिए ।

कार्यक्रममा सहभागी संगठनका पदाधिकारीहरूले नीतिगत सुधार र क्षमता विकासका कार्यक्रमहरूलाई प्राथमिकता दिनुपर्नेमा जोड दिए । उपाध्यक्षहरू सुरेन्द्र गोल्छा, विपिन कावरा र सुवोध कोइराला ले ऊर्जा दक्षता परियोजनामा लगानी प्रोत्साहन गर्नुपर्ने धारणा राखे ।

ऊर्जा समितिका संयोजक सन्तोष भगत र कार्यसमिति सदस्य सृजन प्याकुरेल ले आगामी दिनमा थप व्यवहारिक वित्त संयन्त्र तयार गर्नुपर्नेमा जोड दिए । उक्त छलफलमा विभिन्न उद्योग प्रतिष्ठानका सञ्चालकहरू, वित्तीय संस्थाका प्रतिनिधिहरू र चार्टर्ड एकाउन्टेन्टहरूको सक्रिय सहभागिता थियो ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.