पाकिस्तानले जित्यो हङकङ सिक्सेस क्रिकेट उपाधि, नेपाल ११ औं स्थानमा

Share this
733shares
मुलुकी खबर
मुलुकी खबर
clock२०८२ कात्तिक २३, आइतबार १५:२०

काठमाडौँ । हङकङ सिक्सेस क्रिकेट प्रतियोगिताको उपाधि पाकिस्तानले जितेको छ । आइतबार सम्पन्न फाइनलमा पाकिस्तानले कुवेतलाई ४४ रनले पराजित गर्दै छैटौँ पटक यो ट्रफी उचालेको हो ।

टस हारेर पहिले ब्याटिङ गरेको पाकिस्तानले निर्धारित ६ ओभरमा ३ विकेट गुमाएर १३५ रनको विशाल योगफल बनायो । पाकिस्तानका लागि कप्तान अब्बास अफ्रिदीले ११ बलमा ५२ रन बनाएर रिटायर्ड आउट भए ।

अब्दुल समादले १३ बलमा ४२ रनको विस्फोटक पारी खेले । जवाफमा, १३६ रनको लक्ष्य पछ्याएको कुवेत ९२ रनमा अलआउट हुन पुग्यो । कुवेतका लागि मेट भवसारले ३३ र एड्नान इद्रेसले ३० रन बनाए पनि टोलीलाई जिताउन सकेनन् । बलिङतर्फ पाकिस्तानका मज सदातले ३ विकेट लिए ।

प्रतियोगितामा कुवेत ऐतिहासिक रूपमा फाइनल सम्म पुगेको थियो। सेमिफाइनलमा कुवेतले इंग्ल्यान्डलाई ३७ रनले हराएको थियो भने पाकिस्तानले अस्ट्रेलियालाई रोमाञ्चक रूपमा १ रनले पराजित गर्दै फाइनलको यात्रा तय गरेको थियो ।

नेपालसहित १२ टोली सहभागी प्रतियोगितामा नेपालले ११ औँ स्थान हासिल गर्‍यो । नेपालले प्रतियोगितामा आफ्नो एक मात्र जित छिमेकी भारतसँग दर्ता गरेको थियो र अन्य सबै खेलमा पराजित भयो । भारतले पनि वर्षाले प्रभावित समूह चरणको खेलमा पाकिस्तानलाई डिएल मेथडका आधारमा १ रनले हराए पनि अन्य सबै खेलमा पराजित हुन पुग्यो ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.