
विराटनगर । प्रोटन इमासको नयाँ सोरुम विराटनगरमा शुक्रबारदेखि सञ्चालनमा आएको छ ।
सातौं शाखाका रुपमा कोशी प्रदेशमा पहिलो पटक प्रोटन इमासको सोरुम सञ्चालनमा आएको हो । जगदम्बा मोटर्सका विजनेस हेड आकाश विक्रम थापाले कोशी प्रदेशमा पहिलोपटक नयाँ सोरुम सुरु गरिएको बताए । यो वर्षको अन्त्यसम्ममा देशभर १२ वटा सोेरुम पुग्ने उनले जानकारी दिए ।
जगदम्बा मोटर्सका वरिष्ठ उपाध्यक्ष राजु भेटवालले इमासको ईभी समय सुहाउँदो गाडी भएको बताए । सोरुम उद्घाटनमा नाडा कोशीका अध्यक्ष डिल्लीराम आचार्य, पूर्वअध्यक्ष सुवास आचार्यलगायतले व्यवसाय सफलताको शुभकामना दिएका छन् ।
नेपालका लागि शंकर ग्रुपको टु ह्विलर र फोर ह्विलरको आधिकारिक बिक्रेता रहेको जगदम्बा मोटर्सले नेपाली बजारमा मलेसियन प्रोटन इमास ७ ईभी कार बजारमा ल्याएको छ । प्रोटन इमास ७ प्राइम र प्रिमियम गरी दुई भेरीयन्टमा उपलब्ध रहेको बताइएको छ ।

























