
काठमाडौं । नेपाली बजारमा सुनको मूल्य आज (आइतबार) २ हजार ९ सय रुपैयाँले बढेको छ। अघिल्लो साताको अन्तिम सेयर कारोबार दिन शुक्रबार १ हजार ३ सय ले घटेको सुन आज २९ सयले बढेको हो ।
नेपाल सुन चाँदी व्यवसायी महासंघका अनुसार २ हजार ९ सय रुपैयाँले बढेर एक तोला सुनको मूल्य २ लाख ४४ हजार ६ सय कायम भएको छ । शुक्रबार सोही परिमाणको सुन २ लाख ४१ हजार ७०० रुपैयाँमा खरिदबिक्री भएको थियो।
सुनको मूल्य वृद्धि भएसँगै चाँदीको भाउ पनि बढेको छ। महासंघका अनुसार प्रतितोला चाँदी ३ हजार १३५ रुपैयाँमा खरिदबिक्री भइरहेको छ। गत शुक्रबार चाँदीको मूल्य ३ हजार १ सय पुगेको थियो।

























