
काठमाडौँ । कालीमाटी फलफूल तथा तरकारी बजारमा आज (बुधबार) सुकेको प्याजको थोक मूल्यमा सामान्य वृद्धि भएको छ। कालीमाटी फलफूल तथा तरकारी बजार विकास समितिले सार्वजनिक गरेको दैनिक मूल्य विवरणअनुसार मंगलबारको तुलनामा आज प्याजको औसत मूल्य २.४७ प्रतिशतले बढेको हो।
समितिको तथ्याङ्क अनुसार हिजो मंगलबार प्याजको औसत मूल्य प्रतिकिलो ३३.६७ रुपैयाँ रहेकोमा आज बढेर ३४.५० कायम भएको छ। बजारमा प्याजको न्यूनतम थोक मूल्य ३३ र अधिकतम थोक मूल्य ३६ रुपैयाँ रहेको छ।
नेपालमा प्याजको ठूलो हिस्सा भारतबाट आयात हुने भएकाले भारतीय बजारमा हुने उतारचढावले नेपाली थोक बजारलाई प्रत्यक्ष असर गर्ने गरेको छ।

























