लामो समयको सुस्ततापछि बढ्यो घरजग्गा कारोबार

Share this
682shares
मुलुकी खबर
मुलुकी खबर
clock२०८२ पुस ४, शुक्रबार १२:०५

काठमाडौँ । लामो समयको सुस्ततापछि घरजग्गा कारोबारमा एकाएक उत्साह देखिएको छ। कित्ताकाट खुलेसँगै मङ्सिर महिनामा देशभर ५१ हजार ६३२ वटा घरजग्गा किनबेच (लिखत पारित) भएका छन्, जसबाट सरकारलाई ४ अर्ब ८४ करोड ८१ लाख रुपैयाँ राजस्व प्राप्त भएको छ।

भूमि व्यवस्थापन तथा अभिलेख विभागका अनुसार साउनपछि निरन्तर ओरालो लागेको घरजग्गा बजार मङ्सिरमा भने ह्वात्तै बढेको हो। कात्तिकमा मात्र २ अर्ब ७४ करोड राजस्व उठेकोमा मङ्सिरमा यो रकम झन्डै दोब्बर पुगेको छ।

सरकारले गत कात्तिक २४ गते भू–उपयोग नियमावलीमा तेस्रो संशोधन गरेर जग्गा कित्ताकाट सहज बनाइदिएको थियो। स्थानीय तहले जग्गा वर्गीकरण नगर्दा ५०० भन्दा बढी पालिकाहरूमा साउनदेखि रोकिएको कित्ताकाट मङ्सिरमा एकैपटक खुलेको हो। विभागका अनुसार मङ्सिर महिनामा मात्रै ५५ हजार ८ वटा नयाँ कित्ताकाट भएका छन्।

घरजग्गा व्यवसायीहरूका अनुसार मङ्सिरमा कारोबार बढ्नुका पछाडि मुख्य तीन कारण छन्। आगामी पुस महिनादेखि ५ लाखभन्दा माथिको कारोबार नगदमा गर्न नपाइने, अनिवार्य चेक हुनुपर्ने र लाइसेन्स प्राप्त ब्रोकरमार्फत मात्रै कारोबार गर्नुपर्ने नियम आउँदैछ। यो नयाँ नियम लागू हुनुअघि नै झन्झट मुक्त हुन धेरैले मङ्सिरमै जग्गा खरिद-बिक्री टुङ्ग्याएका हुन्।

शेयर बजार र अन्य क्षेत्रमा लगानीको वातावरण नहुँदा सर्वसाधारणले जमिनलाई नै सबैभन्दा सुरक्षित लगानीका रूपमा रोज्न थालेका छन्। मङ्सिर महिना घरजग्गा कारोबारको परम्परागत ‘सिजन’ पनि हो। खेतीपाती सकिने र जग्गा हेर्न सजिलो हुने भएकाले यो समयमा सधैँजसो चहलपहल बढ्ने गर्छ।

चालु आर्थिक वर्षको पछिल्लो पाँच महिनामा कुल १६ अर्ब ७८ करोड १७ लाख रुपैयाँ राजस्व सङ्कलन भइसकेको छ। मङ्सिरको यो वृद्धिले सुस्त रहेको अर्थतन्त्रमा घरजग्गा क्षेत्रबाट केही आशा जगाएको विश्लेषण गरिएको छ।

तपाइको प्रतिक्रिया
शीर्ष नेताको सम्बोधन, रित्तो दर्शक दीर्घा: मोरङमा कांग्रेस इतर पक्षको अधिवेशन
बहिरा फुटबल टोली दक्षिण कोरिया जाने
मत्स्यपोखरीमा चार दिन पर्यटन, संस्कृति र साहित्यको उत्सव
राप्रपामा अध्यक्षका लागि आधा दर्जन नेताको दौडधुप, लिङ्देनलाई चुनौती
लुम्बिनीले टस जितेर बलिङ रोज्दा सुदूरपश्चिम पहिले ब्याटिङ गर्दै
विराटनगरमा कर दिवस मनाइयो, करदातामैत्री प्रणालीमा जोड
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
© 2024 Muluki Khabar. All Rights Reserved. Design & Develop By: Indesign Media Pvt. Ltd.