
काठमाडौं । पछिल्ला केही दिनयता स्थानीय बजारमा सुनचाँदीको मूल्य लगातार बढिरहेको छ । आज (शुक्रबार) पनि दुवै धातुको मूल्य बढेको छ ।
आज छापावाल सुनको मूल्य प्रतितोला २ लाख ६९ हजार ३ सय र त्यति नै चाँदीको ४ हजार ५८५ कायम भएको नेपाल सुनचाँदी व्यवसायी महासंघले जनाएको छ । दुवै धातुको मूल्य हालसम्मको उच्च हो ।
गत बुधबार छापावाल सुन प्रतितोला २ लाख ६८ हजार १ सयमा र चाँदी ४ हजार ४ सय २० मा कारोबार भएको थियो । बिहीबार दुवै धातुको मूल्यमा सामान्य गिरावट आएर प्रतितोला सुन २ लाख ६७ हजार ५ सय र चाँदी ४ हजार ४ सय मा कारोबार भएको थियो ।

























